Neidio i'r prif gynnwy

High-risk Human Papillomavirus (HPV) found, cells normal

27/06/22
Mae fy llythyr yn dweud fy mod yn HPV positif, ond roedd fy nghelloedd yn normal. Pam ydw i wedi cael fy atgyfeirio i glinig colposgopi?

Bydd pedwar o bob pump ohonom yn cael HPV ar ryw adeg yn ein bywydau. Fodd bynnag, bydd y rhan fwyaf ohonom yn clirio'r feirws yn naturiol o fewn dwy flynedd. Os bydd haint HPV yn parhau, gall weithiau achosi newidiadau i gelloedd serfigol a allai, os byddant yn cael eu gadael heb eu trin, arwain at ganser ceg y groth. Gan ein bod wedi nodi bod gennych HPV o hyd, rydym wedi eich atgyfeirio i glinig colposgopi er mwyn gwirio eich ceg y groth am unrhyw newidiadau.

27/06/22
Mae fy llythyr yn dweud fy mod yn HPV positif, ond roedd fy nghelloedd yn normal. Cefais fy nhrin yn flaenorol am newidiadau i'r celloedd, felly a gollwyd rhywbeth?

Na, mae eich sgrinwyr wedi gwirio eich sampl sgrinio serfigol ac ni nodwyd unrhyw newidiadau i'r celloedd. Gan ein bod wedi nodi bod gennych HPV o hyd, rydym wedi eich atgyfeirio i glinig colposgopi i sicrhau nad oes unrhyw newidiadau i'ch ceg y groth. 

27/06/22
Rwyf wedi cael fy rhyddhau gan y clinig Colposgopi ond rwy'n dal i fod yn HPV positif. Roeddwn yn arfer cael fy ngwahodd bob 12 mis, pam mae hyn wedi newid i 36 mis? A ddylwn gael fy ngweld yn gynt?

Gan fod y clinig colposgopi wedi gwirio eich ceg y groth a heb ddod o hyd i unrhyw newidiadau, nid oes angen i ni eich gweld yn gynt na 36 mis.

Mae'r dystiolaeth yn dangos ei bod yn cymryd tua 15 i 20 mlynedd o haint HPV i ddatblygu canser ceg y groth mewn pobl sydd â system imiwnedd normal.

27/06/22
Mae gennyf HPV parhaus, a allwn ddatblygu canser ceg y groth sy'n gysylltiedig â HPV yn ystod y 3 blynedd nesaf?

Mae'r clinig colposgopi wedi gwirio eich ceg y groth ac ni ddaethant o hyd i unrhyw newidiadau.

Mae'r dystiolaeth yn dangos ei bod yn cymryd tua 15 i 20 mlynedd o haint HPV i ddatblygu canser ceg y groth mewn pobl sydd â system imiwnedd normal, felly mae datblygu canser ceg y groth sy'n gysylltiedig â HPV yn ystod y 3 blynedd nesaf yn annhebygol iawn.