Gwasanaethau Microbioleg

Mae Adran Microbioleg Iechyd Cyhoeddus Cymru yn darparu Gwasanaethau Microbioleg o labordai yn Aberystwyth, Caerdydd (safleoedd Ysbyty Athrofaol Cymru a Llandochau), Sir Gaerfyrddin (safleoedd Caerfyrddin a Llanelli), Gogledd Cymru (Bangor, y Rhyl a Wrecsam) ac ardal Bae Abertawe (Abertawe a Phen-y-bont ar Ogwr).

Mae hyn yn cynnwys:

gwasanaethau diagnostig labordy i ysbytai a meddygon teulu
arweinyddiaeth rhaglenni rheoli heintiau ysbytai
cymryd rhan mewn rhaglenni gwyliadwriaeth rhanbarthol a chenedlaethol
cymorth i Dimau Diogelu Iechyd mewn perthynas â brigiadau o achosion a rheoli heintiau cymunedol

Yn ogystal â'r swyddogaethau cyffredinol hyn, mae labordai Iechyd Cyhoeddus Cymru yn darparu cyfleusterau arbenigol a chyfeirio ar gyfer Cymru gyfan a'r DU.

Y rhain yw:

Gwasanaethau Bwyd, Dŵr ac Amgylcheddol (Bangor, Caerdydd, Caerfyrddin a'r Rhyl)
Uned Haemophilus Cymru (Bangor)
Giardia a Cyclospora (Abertawe ac Aberystwyth)
Uned Diagnosteg Moleciwlau Clefydau Heintus Cymru (Caerdydd ac Abertawe)
Canolfan Feiroleg Arbenigol Cymru (Caerdydd)
Canolfan Cymru ar gyfer Mycobacteria (Caerdydd)
Uned Gyfeirio Anaerobe (UKARU) (Caerdydd)
Labordy Cyfeirio Cryptosporidiwm (Abertawe)
Uned Gyfeirio Tocsoplasma Genedlaethol (Abertawe)
Uned Cemotherapi Gwrthficrobaidd Arbenigol (SACU) (Caerdydd)
Uned Gyfeirio Ranbarthol Mycoleg (Caerdydd)