Dylai brechlynnau gael eu storio yn unol â thrwydded y gwneuthurwr bob amser. Os yw'r tymheredd cyson wedi'i beryglu, bydd brechlyn y tu allan i fanylebau ei drwydded cynnyrch.
Yn dibynnu ar ba mor hir y mae'r brechlyn wedi bod y tu allan i'r tymheredd cyson ac yn seiliedig ar astudiaethau sefydlogrwydd ychwanegol, mae'r cynnyrch yn parhau'n gynnyrch trwyddedig ond bydd unrhyw ddefnydd dilynol yn cael ei ystyried fel un “oddi ar y label”.
Ni ellir cyflenwi na gweinyddu meddyginiaethau didrwydded o dan PGD ond gall meddyginiaethau oddi ar y label gael eu cynnwys ar yr amod bod tystiolaeth ddogfennol i gefnogi eu cynnwys. Bydd asesiad o'r amser y tu allan i'r tymheredd cyson, cyfeirio at y gwneuthurwr a/neu drwy'r tîm Gwybodaeth Meddyginiaethau yn ofynnol i benderfynu a yw'n briodol defnyddio brechlyn penodol oddi ar y label o dan yr amgylchiadau hyn.
Bydd ystyried y lefelau stoc i'w gwastraffu a'r effaith ar weithredu'r rhaglen imiwneiddio genedlaethol hefyd yn ffactorau pwysig i'w hystyried ar lefel sefydliadol. Yn gyffredinol, nid yw'r mathau hyn o asesiadau yn gyson ag egwyddorion cynhwysiant mewn Cyfarwyddiadau Grŵp Cleifion ac maent yn cael eu rheoli orau fesul achos mewn digwyddiad.
Mae taflen sy'n disgrifio amgylchiadau defnyddio brechlynnau oddi ar y label yn sgil toriadau tymheredd cyson wedi'i llunio fel canllaw byr i rieni ‘Defnyddio brechlynnau sydd wedi'u storio dros dro y tu allan i'r amrediad tymheredd a argymhellir’.
[Ar gael yn: https://www.gov.uk/government/publications/vaccines-stored-outside-the-recommended-temperature-range-leaflet]
[29 Awst 2019]