Os ydych eisoes wedi dod i gysylltiad â'r mathau o HPV sydd yn y brechlyn, efallai na fydd yn rhoi mwy o amddiffyniad i chi rhag haint arall. Fodd bynnag, nid ydym yn gwybod yn union pa fath o HPV sydd gennych nawr, neu rydych wedi ei gael yn y gorffennol. Mae hyn yn golygu y gallai'r brechlyn gynnig rhywfaint o fudd i rai pobl.
Mae’n frechlyn diogel iawn. Mae'n cael ei gynnig i ferched a bechgyn 12-13 oed, dynion sy'n cael rhyw gyda dynion a rhai pobl drawsrywiol.
Pe baech am gael y brechlyn, mae hyn yn golygu y byddai angen i chi dalu amdano. Bydd rhai meddygon teulu a fferyllwyr yn cynnig y gwasanaeth hwn.
Os ydych o dan 25 oed a heb gael y brechlyn pan oeddech yn iau, gallwch ei gael am ddim gan eich meddyg teulu.