Rydym wedi ymrwymo i leihau cyswllt pobl â phlwm. Rydym yn rhan o’r Bartneriaeth Iechyd Dŵr ar gyfer Cymru sy’n datblygu mesurau i leihau plwm mewn dŵr yfed ac yn gweithio gyda rhanddeiliaid amrywiol i ddeall yn well sut mae pobl yn dod i gysylltiad â phlwm. Hefyd rydym yn cefnogi meddygon teulu ac adrannau iechyd lleol sy’n trin plant ac oedolion sydd wedi dod i gysylltiad â lefelau uchel o blwm ac, yn 2018, ni oedd y wlad gyntaf yn y DU i gyflwyno trothwy iechyd cyhoeddus is ar gyfer plwm mewn gwaed er mwyn sicrhau bod posib adnabod cyswllt â phlwm yn gynharach.