Cynnwys:
Mae lefel uchel o wybodaeth ac agwedd gadarnhaol at imiwneiddio ymhlith ymarferwyr gofal iechyd yn cael eu cydnabod yn eang fel penderfynyddion pwysig wrth gyflawni a chynnal nifer uchel o bobl sy'n derbyn brechlyn. Mae'n hanfodol felly bod imiwneiddwyr yn hyderus, yn wybodus ac yn gwybod am y wybodaeth ddiweddaraf. Rhaid rhoi a derbyn hyfforddiant sylfaenol da a diweddariadau rheolaidd i gyflawni hyn, sef argymhelliad a wnaed hefyd gan y Sefydliad Cenedlaethol dros Ragoriaeth Glinigol (NICE) a gweithgor y Grŵp Cynghori Gwyddonol ar Argyfyngau (SAGE) ar betruster brechu.
Nod y Safonau Cenedlaethol yw sicrhau cysondeb yn yr hyfforddiant a ddarperir ar draws y wlad a chynorthwyo'r rhai sy'n gyfrifol am ddarparu hyfforddiant.
Argymhellion hyfforddiant ffliw 2023/24 - UKHSA
Gellir gweld yr argymhellion hyfforddiant ffliw ar gyfer 2023/24 yma. Mae'r argymhellion hyn yn cynnwys offeryn asesu cymhwysedd brechwr ffliw.
Mae Cymru yn mabwysiadu'r argymhellion hyfforddiant hyn, felly mae'n bwysig nodi bod y rhain wedi'u paratoi gan UKHSA. Mae'r adnoddau a'r dogfennau a amlygir yn yr argymhellion hyn yn ymwneud â Lloegr. Mae'n bwysig sicrhau mynediad at adnoddau hyfforddi Iechyd Cyhoeddus Cymru a dogfennau polisi GIG Cymru mewn perthynas â'r rhaglen frechu rhag y ffliw ar gyfer 2023/24.
Mae'r offeryn asesu cymhwysedd gwybodaeth a sgiliau imiwneiddio yn fframwaith cymhwysedd i gefnogi'r gwaith o hyfforddi ac asesu gweithwyr gofal iechyd cofrestredig a'r rhai nad ydynt wedi cofrestru sydd â rôl mewn imiwneiddio:
Darperir dysgu ar-lein gan Raglen Frechu yn erbyn Clefydau Ataliadwy Iechyd Cyhoeddus Cymru (VPDP) Iechyd Cyhoeddus Cymru mewn partneriaeth â'r Rhaglen Systemau Gwybodaeth am y Gweithlu (WfIS), gwasanaethau a rennir. Mae'r dudalen hon yn cynnig cymorth wrth ddechrau eDdysgu ac mae'n cynnig modiwlau eDdysgu am imiwneiddio a ddatblygwyd gan VPDP Iechyd Cyhoeddus Cymru, yn ogystal â modiwlau eDdysgu cenedlaethol a luniwyd gan eDdysgu ar gyfer gofal iechyd.
Cofnod Mamolaeth Cymru Gyfan – Brechiadau yn ystod Beichiogrwydd
Gweminar Holi ac Ateb - MMR – set sleidiau [28 Chwefror 2024]
Gweminar Holi ac Ateb - MMR - recordiad [28 Chwefror 2024] Hyfforddiant (sharepoint.com)
Gweminar – Holi ac Ateb – Materion cyfredol – cyfres sleidiau [21 Tachwedd 2023]
Gweminar – Holi ac Ateb – Materion cyfredol – recordiad [21 Tachwedd 2023] Hyfforddiant (sharepoint.com)
Gweminar Holi ac Ateb - Rhaglen frechu anadlol y gaeaf hydref 2023 – set sleidiau [28 Medi 2023]
Gweminar Holi ac Ateb - Recordiad o'r frechu anadlol y gaeaf hydref 2023 [28 Medi 2023] Hyfforddiant (sharepoint.com)
Gweminar Holi ac Ateb - Brechiadau yn ystod beichiogrwydd - set sleidiau [21 Medi 2023]
Sesiwn Holi ac Ateb Gweminar – Brechiadau yn ystod beichiogrwydd - recordiad [21 Medi 2023] Hyfforddiant (sharepoint.com)
Gweminar Holi ac Ateb - Rhaglen frechu rhag yr eryr – set sleidiau [10 Awst 2023]
Gweminar Holi ac Ateb - Recordiad o'r rhaglen frechu rhag yr eryr [10 Awst 2023] Hyfforddiant (sharepoint.com)
Mae gan Gymdeithas Imiwnoleg Prydain (BSI) wybodaeth ac adnoddau defnyddiol, sydd ar gael yn: Cysylltu ar y Coronafeirws | Cymdeithas Imiwnoleg Prydain
Fideo hyfforddiant i roi brechlynnau Mae'r fideo hyfforddi hwn wedi'i ddatblygu gan Iechyd Cyhoeddus Cymru i gefnogi ac ategu hyfforddiant imiwneiddio lleol. Dylid defnyddio'r adnodd hyfforddi hwn ochr yn ochr â'r safonau gofynnol cenedlaethol a’r cwricwlwm craidd ar gyfer hyfforddiant imiwneiddio.
Fideo yn dangos pigiad IM i oedolyn Mae'r fideo hwn yn rhan o'r fideo hyfforddiant i roi brechlynnau uchod er mwyn tynnu sylw at y dechneg frechu gywir wrth roi pigiad IM i oedolyn. Sylwch fod y fideo hwn wedi'i ffilmio cyn pandemig COVID-19. Mae’n bwysig bod imiwneiddwyr yn dilyn gweithdrefnau atal a rheoli heintiau presennol.
Fideo rhoi brechlyn ffliw FLUENZ TETRA mewndrwynol - Addysg GIG yr Alban (NES); Iechyd Cyhoeddus yr Alban (PHS)
Mae’r fideo Cael Imiwneiddio am frechu mewn ysgol. Mae hefyd ar gael yn Saesneg yn Get Immunised.
Mae’r Rhaglen Afiechydon Ataliadwy Trwy Frechu yn cynllunio Cynhadledd Imiwneiddio Cymru ar gyfer 2024. Cynhelir y gynhadledd ar ddydd Mercher 24ain Ebrill 2024 yng Nghaerdydd, yn ystod Wythnos Imiwneiddio’r Byd. Bydd mwy o wybodaeth ar gael yma yn fuan.
Cynhadledd Imiwneiddio Cymru 2024
Darllen am Cynhadledd Imiwneiddio Cymru 2023
Digwyddiad hyfforddi'r hyfforddwr - techneg Cyfweld Ysgogol – cael sgyrsiau cadarnhaol i wella nifer y rhai sy'n derbyn brechlyn. Cynhelir y digwyddiad cychwynnol ar 18 Mawrth 2024, bydd hwn yn ddigwyddiad rhithwir drwy teams.
Hydfforddi'r Hyfforddwr: Dogfen briffio dechneg cyfweliad ysgogol.
Cynhaliwyd y sesiwn blasu cychwynnol ar 18 Mawrth 2024. Gellir gweld y sleidiau a recordiad y sesiwn hon yma: Training (sharepoint.com).
Bydd rhagor o wybodaeth ar gael yma yn fuan.