Cyhoeddwyd: 29 Medi 2022
Wedi'i lansio gyntaf yn 2016, mae Fframwaith Canlyniadau Iechyd Cyhoeddus Cymru yn nodi dealltwriaeth gyffredin o'r canlyniadau iechyd sy'n bwysig i bobl Cymru.
Mae'r fframwaith Canlyniadau wedi'i ddatblygu i'w ddefnyddio gan y Llywodraeth, cymunedau lleol, gwasanaethau cyhoeddus, sefydliadau'r sector preifat a gwirfoddol i ysbrydoli a llywio camau gweithredu i wella a diogelu iechyd a llesiant. Mae'n gysylltiedig â dangosyddion a cherrig milltir cenedlaethol Deddf Llesiant Cenedlaethau'r Dyfodol, sydd wedi'u pennu gan Weinidogion Llywodraeth Cymru.
Yr offeryn adrodd newydd yw'r un cyntaf i'w rhyddhau ers pandemig y Coronafeirws. Mae'n cynnwys dangosyddion ar ymddygiad sy'n gysylltiedig ag iechyd, derbyniadau o ran torri cluniau a disgwyliad oes a disgwyliad oes iach. Mae'r offeryn hwn wedi'i ddatblygu mewn ffordd ailadroddol, gyda rhanddeiliaid, ac yn hynny o beth rydym yn parhau i adeiladu cynnwys a swyddogaethau, gyda'r rhan fwyaf o ddangosyddion ar gael erbyn diwedd y flwyddyn
Mae’r canfyddiadau allweddol yn cynnwys:
Meddai Rhys Gibbon, Prif Ddadansoddwr Deallusrwydd Iechyd Cyhoeddus yn Iechyd Cyhoeddus Cymru:
“Mae'r cynnydd mewn disgwyliad oes ar ôl y rhyfel wedi arafu ers 2011, gan ostwng yn y blynyddoedd diweddaraf. Mae hyn yn hanfodol ar gyfer iechyd y boblogaeth gan ein bod am i bobl fyw yn hirach, ac mewn iechyd da.
“Mae'r data hyn yn hanfodol i ni fonitro iechyd a llesiant pobl Cymru a llywio polisïau a chynlluniau ar gyfer y dyfodol er mwyn cefnogi hyn. Mae mynd i’r afael ag anghydraddoldebau yn parhau i fod yn flaenoriaeth.
“Ond rydym hefyd yn awyddus i dynnu sylw at y ffyrdd o fyw a all gael effaith gadarnhaol ar iechyd. Mae'n bwysig i wneuthurwyr polisi sicrhau bod dewisiadau iachach yn haws i bobl eu gwneud.”