Hyfforddiant a Digwyddiadau
rgeHyfforddiant a Digwyddiadau ym Maes Diogelu
Mae manylion digwyddiadau Hyfforddi a Datblygu ym maes Diogelu a gynhelir yng Nghymru yn bennaf ond hefyd ledled y DU ar gael o’n cronfa ddata, sy’n cael ei diweddaru’n rheolaidd. Gall defnyddwyr chwilio am ddigwyddiadau yn ôl categori, lleoliad, dyddiad a lefel.
Gweld y gronfa ddata Hyfforddiant a Digwyddiadau - (Saesneg yn unig)
Digwyddiadau Blaenorol
Cyflwyniadau y gellir eu lawrlwytho a fideos o gynadleddau blaenorol a gynhaliwyd gan y Tîm Diogelu Cenedlaethol (GIG Cymru).
Gweld cyflwyniadau / fideos o ddigwyddiadau blaenorol
Canllawiau Hyfforddi
Diogelu Plant: Rôl a Chymwyseddau Staff Gofal Iechyd
Mae fersiwn ddiweddaraf Safeguarding children and young people: roles and competences for health care staff: Intercollegiate Document (Mawrth 2014) yn datgan bod rhaid i bob aelod staff ym maes iechyd fod â’r cymwyseddau sydd eu hangen er mwyn adnabod camdriniaeth plant a chymryd camau effeithiol fel sy’n briodol i’w swydd.
Rhaid hefyd i staff iechyd ddeall eu cyfrifoldebau’n glir, a dylai’r sefydliad sy’n eu cyflogi eu cynorthwyo i gyflawni eu dyletswyddau.
Yn ystod y broses adolygu, cafwyd nifer fawr o awgrymiadau gan amrywiaeth eang o grwpiau proffesiynol. Cafodd y Fframwaith ei fireinio a’r ddogfen ei hailstrwythuro yn sgil y sylwadau.
Adnoddau
E-ddysgu ym Maes Diogelu
Mae modiwlau e-ddysgu ar gael drwy wefan Learning@NHSWales
Mae’r modiwlau’n cynnwys:
- Diogelu Plant, Lefel 1 a Lefel 2
- Diogelu Oedolion, Lefel 1 a Lefel 2
- Grŵp Craidd 1 Trais yn erbyn Menywod, Cam-drin Domestig a Thrais Rhywiol
- Y Ddeddf Galluedd Meddyliol, Lefel 1 a Lefel 2
- Ymwybyddiaeth Sylfaenol o Anffurfio Organau Cenhedlu Benywod
Atal Anafiadau Pen Nad Ydynt yn Ddamweiniol (NAHI) - Cynhadledd Fideo'r Ymgyrch (Fideo Ynghylch Babanod a Gafodd eu Hysgwyd
- Fideo o’r ymgyrch
- Taflen yr Ymgyrch: Cymraeg / Saesneg
DVD 'Just Talk' Haen 1: Fideo Hyfforddi ar Ddiogelu
Mae’r Gwasanaeth Diogelu Plant wedi diweddaru DVD ‘Just Talk’ Haen 1, sydd ar gael i bob aelod staff ym maes iechyd. Mae wedi’i anelu’n bennaf at staff y mae angen hyfforddiant diogelu plant lefel 1 arnynt.
Gweld y Fideo Hyfforddi ar Ddiogelu Plant: DVD ‘Just Talk’ Haen 1
Fideos DVD 'Just Talk' Haen 2
Mae’r Gwasanaeth Diogelu Plant wedi llunio DVD ‘Just Talk’ Haen 2 sy’n cynnwys 4 fideo ynglŷn â phynciau penodol. Maent wedi’u hanelu’n bennaf at staff y mae angen hyfforddiant diogelu plant lefel 2 arnynt.
Caiff y fideos eu cyflwyno gan weithwyr proffesiynol iechyd a gofal cymdeithasol sydd â gwybodaeth arbenigol am y meysydd a ganlyn: anffurfio organau cenhedlu benywod, masnachu plant/pobl, salwch ffug neu salwch gwneud, a’r broses amddiffyn plant.
Gweld y Fideos Hyfforddi ar Ddiogelu Plant: ‘Just Talk’ Haen 2
Adnoddau Eraill
Os hoffech anfon unrhyw adborth am dudalennau’r Tîm Diogelu Cenedlaethol (GIG Cymru), llenwch ein ffurflen adborth ar-lein.