Ymyrraeth:
Archwiliodd pedair astudiaeth (un o ansawdd cymedrol, tair o ansawdd gwael) mentrau aml-gydran yn y gweithle. Roedd cydrannau’r ymyriadau’n gwahaniaethu ond yn cynnwys elfennau fel cyflwyno llwybr cyflym newydd trafnidiaeth gyhoeddus, gwelliannau i lwybrau cerdded a beicio, cyfyngu lleoedd neu drwyddedau parcio, cynyddu taliadau parcio, gwella cyfleusterau newid ar gyfer cerddwyr a beicwyr, sicrhau storfa feiciau, trafnidiaeth gyhoeddus ostyngol neu am ddim a chynlluniau prynu beiciau gyda chymhorthdal.
Ansawdd y dystiolaeth:
Roedd canlyniadau’r astudiaethau oedd wedi eu cynnwys yn anghyson, gyda’r rhan fwyaf yn mesur canlyniadau teithio llesol lluosog ar wahân (beicio, cerdded ac ati) ac yn canfod bod yr ymyrraeth yn effeithiol ar gyfer rhai canlyniadau ond nid eraill. Roedd y rhan fwyaf o’r astudiaethau o ansawdd gwael.
Cymhwysedd:
Cynhaliwyd yr astudiaethau yn y DU, Canada, Awstralia a’r Ffindir. Felly, roedd gan yr ymyrraeth gymhwysedd rhannol i Gymru, ond dylid ystyried archwilio pellach yn benodol ar gyd-destun.
Os byddwch yn parhau â’r ymyrraeth yma:
Awgrymir bod angen ymchwil gadarn bellach a gwerthusiad trylwyr.