Cyhoeddwyd: 28 Tachwedd 2022
Gall Iechyd Cyhoeddus Cymru a Bwrdd Iechyd Prifysgol Cwm Taf Morgannwg gadarnhau, yn dilyn yr ymarfer sgrinio twbercwlosis (TB) diweddar a gynhaliwyd yn nhafarn y Welcome Inn, Tonypandy, fod y dystiolaeth gychwynnol yn awgrymu nad oes angen cymryd camau pellach yn y dafarn.
Er bod nifer bach o unigolion wedi'u nodi y mae eu canlyniadau yn gyson â haint TB cudd, mae'r ymchwiliad wedi nodi bod unrhyw drosglwyddo yn y dafarn wedi bod yn gyfyngedig.
Mae'r unigolion a nodwyd wedi cael eu hysbysu a chael cynnig gofal a chymorth clinigol gan ddilyn canllawiau clinigol sefydledig.
Meddai Elizabeth Marchant, Ymgynghorydd Meddygol Locwm Diogelu Iechyd yn Iechyd Cyhoeddus Cymru:
“O ystyried y nifer bach iawn o achosion o haint TB cudd, nid ydym wedi argymell sgrinio pellach yn y dafarn, ond byddwn yn parhau i fonitro'r sefyllfa.
“Oherwydd y niferoedd isel ac i ddiogelu preifatrwydd y rhai dan sylw, ni fyddwn yn rhoi diweddariadau pellach ar yr achosion hyn.
“Hoffwn ddiolch i'r Welcome Inn a chymuned Tonypandy am eu hamynedd a'u cymorth wrth i ni gynnal y sgrinio.”
Gofynnwn i'r cyhoedd barhau i fod yn effro i symptomau TB sy'n cynnwys:
Os byddwch yn profi unrhyw rai o'r symptomau hyn, siaradwch â'ch meddyg teulu cyn gynted â phosibl.