Academi Gwelliant Cymru
Croeso i Academi Gwelliant Cymru
Mae Academi Gwelliant Cymru yn rhan o Gwelliant Cymru, y gwasanaeth cenedlaethol ar gyfer gwella iechyd a gofal cymdeithasol yng Nghymru. Ein nod yw helpu unigolion, timau a systemau i ddatblygu'r sgiliau a'r wybodaeth sydd eu hangen arnynt i ddarparu gwell gofal a chanlyniadau i gleifion.
Mae ein tîm o arbenigwyr yn dylunio ac yn darparu ystod o adnoddau a rhaglenni hyfforddi sy'n cefnogi holl fyrddau iechyd ac ymddiriedolaethau GIG Cymru. Rydym yn cynnig opsiynau dysgu hyblyg wedi'u teilwra ar gyfer gwahanol lefelau o brofiad gwella. Gallwn eich helpu i asesu eich lefel bresennol o allu gwella a'ch arwain at y cam nesaf sy'n addas i'ch anghenion.
Rydym hefyd yn cydweithio â thimau Gwella Ansawdd mewn byrddau iechyd lleol neu ymddiriedolaethau, a phartneriaid eraill, sy’n gallu darparu ein pecynnau hyfforddi’n lleol, sy’n gwneud y dysgu’n fwy hygyrch a pherthnasol.
Archwiliwch ein casgliad o adnoddau dysgu a'n hamrywiaeth o gyrsiau gwella ar gyfer gweithwyr gofal iechyd proffesiynol.
Ddim yn siŵr ble i ddechrau arni?
Rydym wedi cynllunio ein cyrsiau gwella i weddu i bob lefel o wybodaeth a sgil. Lle bo modd, rydym yn gwneud ein gorau i ddarparu ar gyfer dewisiadau astudio. Rydym yn cynnig cyrsiau ar-lein sy’n fyr ac yn rhyngweithiol, a chyrsiau ystafell ddosbarth sy’n cynnig cydweithio a thrafodaeth. Ni waeth beth sydd orau gennych, byddwn yn eich helpu i gyrraedd eich nodau gwella. Os hoffech unrhyw gyngor am ein cyrsiau, cysylltwch â ni.
Mae'r Academi yn rhoi mynediad hawdd i chi at adnoddau gwella effeithiol y gallwch eu defnyddio unrhyw bryd. Gallwch ddod o hyd i offer a dulliau diagnostig yn ein Llyfrgell Adnoddau digidol i'ch helpu i gyflawni gwelliant hirdymor. Rydym yn diweddaru ein hadnoddau yn rheolaidd i'ch cefnogi ar eich taith wella.
