Gallwch hefyd gael gwybodaeth am brofion sgrinio gan eich bydwraig neu’ch meddyg ysbyty (eich obstetregydd) ac o wefan Sgrinio Cyn Geni Cymru.
Os byddwch yn symud cartref yn ystod eich beichiogrwydd, dywedwch wrth eich bydwraig er mwyn iddi allu diweddaru’ch cofnodion meddygol.
Mae ansawdd y prawf sgrinio a gynigir gan y GIG yng Nghymru yn cael ei fonitro. Mae rhai menywod yn talu’n breifat i gael profion sgrinio.
Nid yw profion sgrinio a gynhelir gan glinigau preifat yn cael eu monitro gan y GIG. Mae hyn yn golygu na fydd gan eich bydwraig wybodaeth am ansawdd a chywirdeb profion sgrinio a gynhelir gan glinigau preifat.
Llinell gymorth: 0845 077 2290 neu 0207 713 7486 o ffôn symudol
E-bost: info@arc-uk.org
Gwefan: www.arc-uk.org
Ffôn: 0333 1212 300
E-bost: info@downs-syndrome.org.uk
Gwefan: www.downs-syndrome.org.uk
E-bost: enquiries@soft.org.uk
Gwefan: www.soft.org.uk
E-bost: info@sicklecellsociety.org
Gwefan: www.sicklecellsociety.org
E-bost: info@ukts.org
Gwefan: www.ukts.org
Mae CARIS yn casglu gwybodaeth am gyflyrau sy’n effeithio ar y ffordd y mae babanod yn datblygu yn ystod beichiogrwydd. Y cyflyrau hyn yw anomaleddau cynhenid, camffurfiadau neu namau geni. Maent yn cynnwys syndrom Down, namau ar y galon neu wefus hollt.
Mae’n bwysig iawn gwybod mwy am y mathau hyn o gyflyrau a’u hachosion.
Mae CARIS yn defnyddio’r wybodaeth i gael gwybod pa mor gyffredin yw’r cyflyrau hyn. Mae’r wybodaeth y mae CARIS yn ei chasglu hefyd yn helpu i ddangos pa mor dda yw’r gwasanaeth iechyd o ran nodi’r cyflyrau hyn a chaiff ei defnyddio ar gyfer cynllunio gwasanaethau’r dyfodol.
Os amheuir o’ch profion sgrinio bod y mathau hyn o gyflyrau’n ymwneud â’ch beichiogrwydd, bydd y fydwraig neu’r obstetregydd yn trosglwyddo’r wybodaeth am hyn i CARIS.
Mae’r wybodaeth a ddelir ar gofrestr CARIS yn hollol gyfrinachol. Ni fyddwn byth yn trosglwyddo’ch enw i neb arall na’i gyhoeddi.
Os hoffech gael rhagor o wybodaeth, gweler hysbysiad preifatrwydd Iechyd Cyhoeddus Cymru.
Neu ysgrifennwch at:
Y Swyddog Diogelu Data
Ymddiriedolaeth GIG Iechyd Cyhoeddus Cymru
2 Cwr y Ddinas,
Stryd Tyndall,
Caerdydd
CF10 4BZ