Mae Iechyd Cyhoeddus Cymru yn cefnogi datblygiad gweithlu amrywiol lle gall pawb roi o'u gorau yn y gwaith.
Mae gennym nifer o rwydweithiau amrywiaeth staff sefydledig sy'n cwrdd yn rheolaidd ac sy’n darparu cyd-gefnogaeth werthfawr i aelodau, ynghyd â chyngor a sicrwydd, a man diogel i gwrdd â chydweithwyr sy'n wynebu problemau tebyg.
Mae gan y rhwydweithiau gefnogaeth gan ein tîm Profiad Gweithwyr, sy'n helpu i ddarparu hyfforddiant ar amrywiaeth a chynhwysiant i gydweithwyr a rheolwyr, sy’n sicrhau bod polisïau'n cydnabod amrywiaeth lawn ein gweithlu ac sy’n gweithio gyda'n tîm Cyfathrebu i godi ymwybyddiaeth o faterion pwysig sy'n effeithio ar wahanol grwpiau o fewn y gweithle a thu hwnt.
Mae ein rhwydweithiau amrywiaeth gweithlu yn rhan bwysig iawn o'n sefydliad, gan sicrhau bod anghenion a safbwyntiau eu haelodau yn cael eu hystyried wrth gynllunio a llunio ein sefydliad. Drwy gynnig her, maent yn sicrhau bod pob grŵp gwahanol o fewn ein gweithlu yn cael ei glywed a bod ei gyfraniad yn cael ei werthfawrogi.
Mae pob rhwydwaith yn croesawu cynghreiriaid sy'n gallu cefnogi'r rhwydweithiau hefyd!
Gall ein staff ddod o hyd i ragor o wybodaeth ar ein tudalen fewnrwyd rhwydweithiau amrywiaeth [mewnrwyd GIG Cymru].
Am wybodaeth gyffredinol, cysylltwch â Sara Peacock.