Adnoddau Hyrwyddo

Gall pob un ohonom chwarae rhan wrth gefnogi cymunedau i gael yr wybodaeth gywir am raglenni sgrinio’r GIG yng Nghymru.

Bydd yr awgrymiadau, yr adnoddau a’r offer ymarferol hyn yn eich helpu chi i wneud y canlynol: 

• Codi ymwybyddiaeth o sgrinio 
• Cynorthwyo pobl i wneud penderfyniadau ar sail gwybodaeth 
• Cefnogi pobl i fynd i gael eu sgrinio pan gânt eu gwahodd

Cymunedau ethnig lleiafrifol

Os ydych chi'n weithiwr cymunedol neu'n weithiwr iechyd proffesiynol sy'n rhoi cymorth i gymunedau ethnig lleiafrifol, mae adnodd Gweithio gyda’n Gilydd ar gael i'w ddefnyddio. Mae'r canllaw hwn yn cynnwys camau ymarferol i gefnogi mynediad at sgrinio.

Beth allwch chi ei wneud

Dyma rai awgrymiadau am bethau y gallwch chi eu gwneud:

• Ymuno â’n hyfforddiant ymwybyddiaeth o sgrinio ar-lein sydd yn rhad ac am ddim ac annog eich cydweithwyr a rhwydweithiau cymunedol i ymuno.
• Ystyried tystiolaeth ymchwil i gael syniadau am yr hyn y gallwch chi ei wneud i godi ymwybyddiaeth am sgrinio.
• Edrych ar ein hadroddiadau ar sgrinio i gael gwell dealltwriaeth ynghylch pwy sy’n mynd i gael eu sgrinio.
• Siarad â phobl am sgrinio yn eich cymuned neu eich gweithle.
• Cynnal sesiynau ymwybyddiaeth o sgrinio yn eich cymuned neu eich gweithle.
• Rhannu a chyfeirio pobl i’r wybodaeth sgrinio ac adnoddau gwybodaeth hygyrch ar ein gwefannau.
• Rhannu adnoddau sgrinio digidol drwy eich gwefannau cyfryngau cymdeithasol, ar WhatsApp a thrwy fwletinau digidol.
• Defnyddio ein gwybodaeth ar ffurf Hawdd ei Deall, Iaith Arwyddo Prydain a Sain i helpu pobl y gall fod angen cymorth arnynt i wneud penderfyniad am sgrinio.
• Dewis ymgyrch genedlaethol y gallwch chi ei chefnogi i godi ymwybyddiaeth o sgrinio yn eich cymuned neu eich gweithle.

Rhagor o wybodaeth

Am ragor o wybodaeth, cysylltwch â: ymgysylltu.sgrinio@wales.nhs.uk