Mae rhai o'r dolenni sydd wedi'u cynnwys yn yr wybodaeth hon yn arwain at gynnwys a grëwyd gan sefydliadau eraill ac efallai nad yw ar gael yn Gymraeg.
Mae’r wybodaeth ganlynol yn ymwneud â thymor ffliw 2025-26.
Ar y dudalen hon
Gall y ffliw fod yn ddifrifol, yn enwedig i:
Pan fyddwch chi'n gweithio ym maes iechyd neu ofal cymdeithasol, mae gennych ddyletswydd i helpu i atal lledaeniad heintiau – ac mae hynny'n cynnwys y ffliw.
Os ydych chi'n weithiwr iechyd a gofal cymdeithasol y GIG ac yn gweithio'n uniongyrchol gyda chleifion neu gleientiaid, mae'n bwysig eich bod yn cael brechlyn ffliw bob blwyddyn. Mae'r brechlyn ffliw yn helpu i amddiffyn:
Mae cael eich brechu hefyd yn helpu i leihau salwch staff ac yn cadw gwasanaethau'r GIG a gofal cymdeithasol i redeg yn esmwyth. Mae hyn yn bwysig iawn yn ystod misoedd prysur y gaeaf.
Mae'r tabl isod yn dangos pa weithwyr iechyd a gofal cymdeithasol sy'n gymwys i gael brechlyn ffliw am ddim gan y GIG.
| Pwy all gael brechlyn GIG am ddim? | Ble i'w gael |
| Staff cartrefi gofal sy'n gweithio'n rheolaidd gyda phreswylwyr (er enghraifft, mewn cartrefi gofal preswyl i oedolion, cartrefi nyrsio a hosbisau plant) | Mae fel arfer yn cael ei roi mewn fferyllfa gymunedol |
| Gweithwyr gofal cartref (y rhai sy'n darparu gofal yng nghartrefi pobl) | Fel arfer yn cael ei roi mewn fferyllfa gymunedol |
| Gweithwyr gofal iechyd (staff Byrddau Iechyd ac Ymddiriedolaethau) | Drwy eich adran iechyd galwedigaethol neu gan eich practis meddyg teulu |
Mae pob Bwrdd Iechyd ac Ymddiriedolaeth GIG Cymru yn annog eu staff i gael brechlyn ffliw bob blwyddyn.
Mae gan gyflogwyr gofal iechyd, yn cynnwys practisiau meddyg teulu a darparwyr eraill, gyfrifoldeb i:
Drwy gael eich brechu, rydych chi'n helpu i amddiffyn y bobl sydd ei angen fwyaf, ac yn cefnogi'r system iechyd a gofal rydyn ni i gyd yn dibynnu arni.
Mae rhagor o wybodaeth i gydweithwyr gofal iechyd yng Nghymru ar gael ar wefan Iechyd Cyhoeddus Cymru Safle Mewnrwyd Imiwneiddio a Brechu (angen cysylltiad rhwydwaith GIG Cymru).
Mae argymhellion y rhaglen frechu gan y Cydbwyllgor ar Frechu ac Imiwneiddio (JCVI) a pholisi Llywodraeth Cymru i’w gweld yn y dolenni isod.
Y Cydbwyllgor ar Frechu ac Imiwneiddio - GOV.UK (safle allanol) (darllen cyhoeddiadau a datganiadau JCVI; chwilio e.e. y ffliw)
Gwyliwch: Sgwrs am bwysigrwydd brechlyn y ffliw i weithwyr gofal iechyd