Cynnwys
― Canlyniad sgrinio eich babi
― Beth yw MCADD?
― Triniaeth
― Beth sy'n digwydd nesaf?
― Ateb eich cwestiynau
― Rhagor o wybodaeth a chymorth
― Defnyddio eich gwybodaeth
Mae canlyniad prawf gwaed sgrinio ‘pigo sawdl’ eich babi yn awgrymu y gallai fod ganddo ddiffyg dadhydrogenas asyl-CoA cadwyn-ganolig Mae angen profion pellach ar eich babi nawr i weld a oes ganddo MCADD ai peidio.
Mae'r daflen hon yn rhoi rhywfaint o wybodaeth i chi am MCADD ac yn esbonio beth sy'n digwydd nesaf.
Mae diffyg dadhydrogenas asyl-CoA cadwyn-ganolig (MCADD) yn anhwylder a etifeddir prin ond y gellir ei drin.
Mae babanod sydd ag MCADD yn etifeddu dau gopi diffygiol o'r genyn ar gyfer MCADD, un gan bob rhiant.
Mae babanod sydd ag MCADD yn cael problem yn ymddatod brasterau'n ddigon cyflym i gynhyrchu egni.
Mae MCADD dim ond yn achosi problemau pan fydd angen ymddatod brasterau yn gyflym, er enghraifft pan na fydd babi wedi bwyta am gyfnod hir neu pan fydd yn sâl. Os bydd hyn yn digwydd, gall MCADD achosi lefelau siwgr isel yn y gwaed ac achosi i rai brasterau gronni. Gall hyn greu sylweddau gwenwynig sy'n gallu arwain at symptomau difrifol.
Mae babanod sydd ag MCADD yn cael budd sylweddol o driniaeth gynnar a gallant fyw bywydau iach ac egnïol.
Heb ddiagnosis a thriniaeth gynnar, gall MCADD arwain at salwch difrifol ac o bosibl marwolaeth.
Dylai babanod sydd ag MCADD fwydo'n rheolaidd, bwyta deiet iach a chael eu trin fel unrhyw blentyn arall. Nid oes angen meddyginiaethau arbennig arnynt. Nid oes angen deiet arbennig arnynt ond dylent osgoi cyfnodau hir heb fwydo.
Bydd plant sydd ag MCADD yn cael eu gweld yn rheolaidd gan dîm metabolig arbenigol.
Os yw eich babi'n sâl mewn unrhyw ffordd, mae'n bwysig dilyn cyngor meddygol. Pan fyddant yn anhwylus efallai y bydd angen iddynt fynd i'r ysbyty i gael triniaeth. Dylech fynd ag unrhyw wybodaeth sydd gennych am MCADD gyda chi.
Byddwch yn cael apwyntiad i weld tîm metabolig arbenigol a fydd yn:
Os caiff MCADD ei gadarnhau, bydd eich tîm metabolig arbenigol yn:
Hyd nes y gwelwch eich tîm arbenigol, gallwch fwydo eich babi ar y fron neu ei fwydo â llaeth fformiwla arferol i fabanod. Dylech fwydo eich babi bob tair i bedair awr, ddydd a nos, neu'n amlach os bydd angen. Os ydych yn pryderu am fwydo gwael neu os yw eich babi'n sâl, cysylltwch â'ch tîm metabolig arbenigol.
Sut y byddaf yn gwybod a yw fy mabi'n sâl a beth ddylwn i ei wneud?
Gall babanod sydd ag MCADD fynd yn sâl o fewn ychydig ddyddiau cyntaf eu bywyd. Os byddant yn mynd yn sâl gallant:
Ni ddylech anwybyddu'r symptomau hyn. Os na chaiff ei drin, gall babanod sydd ag MCADD gael ffitiau a mynd i goma, sy'n gallu peryglu bywyd.
Os ydych yn poeni bod eich babi yn sâl, cysylltwch ag aelod o'ch tîm metabolig arbenigol. Os na allwch gysylltu â'ch tîm metabolig arbenigol dylech fynd â'ch babi i'ch adran damweiniau ac achosion brys leol cyn gynted â phosibl.
Dylech fynd ag unrhyw wybodaeth a roddwyd i chi am MCADD i'r ysbyty gyda chi.
Er mwyn i ni gysylltu â chi fel rhan o'r rhaglen, bydd angen i ni ymdrin â rhywfaint o'ch gwybodaeth bersonol chi a'ch babi. Os bydd angen rhagor o wybodaeth arnoch am hyn, gallwch:
Rydym hefyd yn cadw manylion personol i sicrhau bod safon ein gwasanaeth mor uchel â phosibl. Mae hyn yn cynnwys gwirio cofnodion eich babi os canfyddir bod gan eich babi gyflwr ar ôl cael prawf sgrinio a ddangosodd ganlyniad ‘dim achos a amheuir’.
Dim ond fel ystadegau rydym yn cyhoeddi gwybodaeth ac nid ydym byth yn cyhoeddi manylion personol. Rydym yn trosglwyddo eich gwybodaeth bersonol i weithwyr iechyd proffesiynol neu sefydliadau y mae ei hangen arnynt, gan gynnwys eich meddyg teulu, ymwelydd iechyd a phediatregydd ymgynghorol. Rhaid i'r gweithwyr proffesiynol hyn ddiogelu'r wybodaeth bersonol yn yr un modd ag y byddwn ni.
Mae ein holl gofnodion papur a chyfrifiadurol yn cael eu storio a'u prosesu'n ddiogel, ac ni all y cyhoedd gael mynediad atynt.