Bwrdd Iechyd Prifysgol Aneurin Bevan - Cysylltwyr Lles yn Gwneud Gwahaniaeth i Gynaliadwyedd y Gweithlu

Mae lles gweithwyr yn brif flaenoriaeth i GIG Cymru a Bwrdd Iechyd Prifysgol Aneurin Bevan. Ym mis Tachwedd 2021, canfu Arolwg Staff y Bwrdd Iechyd, er bod mwyafrif y staff (75%) yn teimlo eu bod naill ai’n ymdopi’n ‘iawn neu’n dda’, dywedodd chwarter y staff eu bod yn ymdopi naill ai’n wael iawn neu ddim yn dda iawn ( cyfanswm o 25%).  Cychwynnwyd prosiect i gyflwyno rôl 'Cysylltwyr Lles' a gweithredu Gweithdai 'Psych PPE (Offer Diogelu Personol)'.

Datblygwyd hyfforddiant 'Psych PPE' gyntaf mewn ymateb i agor 'Ysbytai Nightingale' mawr yn Llundain i gefnogi ymateb COVID 19. Ei hathroniaeth sylfaenol yw cydnabod bod risgiau lles o fewn gofal iechyd yn gyfartal â phob risg arall yn y gweithle, a thrwy ofalu amdanom ein hunain yn gyntaf, rydym yn gallu gofalu am eraill yn well. Psych PPE yw'r pethau rydyn ni'n eu gwneud i amddiffyn ein lles ar adegau o her, gan ein galluogi i amddiffyn a pharatoi gweithlu'r GIG yn seicolegol. Mae'n defnyddio'r gyfatebiaeth o PPE corfforol ac yn meithrin y sgil o fewnsylliad, gan alluogi unigolion i lunio eu cynllun hunanofal personol ac arferion i amddiffyn eu lles.

Bwrdd Iechyd Prifysgol Aneurin Bevan yw’r Bwrdd Iechyd cyntaf yng Nghymru i gyflwyno’r hyfforddiant hwn ac maent wedi cyflawni targed cychwynnol o hyfforddi 25 o staff fel Cysylltwyr Lles a all ddarparu’r hyfforddiant Psych PPE i gydweithwyr. Mae dros 100 o staff wedi derbyn yr hyfforddiant hyd yma.

Roedd 96% o’r staff a fynychodd Weithdai Psych PPE naill ai’n cytuno’n gryf neu’n cytuno â’r datganiad ‘yn dilyn y gweithdy mae gen i ddealltwriaeth dda o beth yw Psych PPE a’r sgiliau y gallwn i eu defnyddio i wella fy llesiant’, tra bod 94% naill ai’n gryf cytuno neu gytuno â'r datganiad 'mae gweithdy Psych PPE wedi rhoi'r wybodaeth a'r sgiliau i mi ddatblygu fy nghynllun PPE Psych fy hun'.

Amy Mitchell

amy.mitchell@wales.nhs.uk