Neidio i'r prif gynnwy

Brechiadau'r gaeaf

Gwybodaeth am frechlynnau yn cynnwys y ffliw, COVID-19, feirws syncytiol anadlol (RSV)

Cynnwys:

 

 

Sut alla i gael brechlyn ffliw am ddim?

Ymunwch â miloedd o bobl yng Nghymru i fanteisio ar y cynnig o gael brechlyn ffliw am ddim. Ewch i wefan eich bwrdd iechyd lleol i gael rhagor o wybodaeth am y ffordd orau o gael eich brechu.

Rhowch eich cod post isod i ddod o hyd i'ch bwrdd iechyd lleol:

 

Ydw i'n gymwys? 

Gall y bobl ganlynol gael brechiad rhag y ffliw y GIG am ddim: 

  • Plant sy’n ddwy a thair oed ar 31 Awst 2025  
  • Plant a phobl ifanc yn yr ysgol o'r dosbarth Derbyn i Flwyddyn 11 
  • Pobl 65 oed a hŷn (ar 31 Mawrth 2026)     
  • Pobl rhwng chwe mis a 64 oed sydd â chyflwr iechyd hirdymor sy’n cynnwys: 
    • Problemau gyda'ch brest neu eich anadlu, fel clefyd rhwystrol cronig yr ysgyfaint (COPD) neu asthma, sydd angen anadlyddion neu dabledi steroid rheolaidd 
    • Problem gyda'r galon 
    • Clefyd yr arennau (o gam 3) 
    • Clefyd yr afu 
    • Cyflyrau’r nerfau, fel clefyd Parkinson neu glefyd niwronau echddygol 
    • Anabledd dysgu 
    • Salwch meddwl difrifol 
    • Diabetes 
    • Epilepsi 
    • System imiwnedd wan oherwydd salwch neu driniaeth 
    • Pobl heb ddueg neu broblem gyda'r ddueg, neu 
    • Pobl ymhell dros bwysau (mynegai màs y corff (BMI) o 40 neu fwy ac yn 16 oed neu'n hŷn). 
  • Merched beichiog    
  • Pobl sy'n byw mewn cartrefi gofal  
  • Gofalwyr 
  • Pobl sy'n byw gyda rhywun â system imiwnedd wannach     
  • Gweithwyr iechyd a gofal cymdeithasol rheng flaen    
  • Ymatebwyr cyntaf ac aelodau o sefydliadau gwirfoddol sy'n darparu cymorth cyntaf brys wedi'i gynllunio 
  • Gweithwyr dofednod sydd mewn perygl uchel 

Ynglŷn â’r brechiad rhag y ffliw

Gall y ffliw fod yn ddifrifol, yn enwedig i blant ifanc iawn, pobl hŷn, merched beichiog a'r rhai â chyflyrau iechyd sy’n bodoli eisoes. 

Y gaeaf diwethaf, roedd angen gofal ysbyty ar fwy na 2,000 o bobl yng Nghymru ar ôl profi'n bositif am y ffliw.

Os cewch gynnig y brechiad rhag y ffliw, mae hyn yn golygu eich bod mewn mwy o berygl o fynd yn sâl iawn pe byddech yn dal y ffliw. Bydd y brechlyn yn eich helpu i ddiogelu eich hun rhag salwch difrifol.   

Mae'r brechlyn ffliw am ddim ac mae’n cael ei gynnig bob blwyddyn am bod feirysau'n newid yn gyson a bod yr amddiffyniad yn pylu dros amser.  Felly hyd yn oed os cawsoch eich brechiad y llynedd, mae'n bwysig eich bod yn ei gael bob blwyddyn. 

Mae cael eich brechu cyn i'r feirws ledaenu yn un o'r ffyrdd gorau o ddiogelu eich hun a’i atal rhag lledaenu i'r rhai o'ch cwmpas.  

Mae bron i filiwn o bobl yng Nghymru yn cael eu brechu bob blwyddyn i amddiffyn eu hunain a'u hanwyliaid rhag y ffliw. Gwnewch yn siŵr eich bod chi wedi eich diogelu cyn tymor y ffliw hefyd. Bydd diogelu eich hun hefyd yn helpu i amddiffyn y rhai sy'n bwysig i chi.

Rhagor o wybodaeth am y brechlyn ffliw.

Brechiad COVID-19 a brechiad feirws syncytiol anadlol (RSV)

Efallai y byddwch hefyd yn gallu cael brechlynnau GIG eraill am ddim i'ch diogelu y gaeaf hwn fel:

Cael eich brechu yw'r ffordd orau o’ch amddiffyn chi a'r rhai o'ch cwmpas rhag salwch difrifol.