Bydd menywod sy'n feichiog yn cael cynnig profion sgrinio cyn-geni yn ystod eu beichiogrwydd er mwyn rhoi mwy o wybodaeth i am eu iechyd ac iechyd y babi.
Bydd bydwraig yn esbonio'r gwahanol brofion y gallwch eu cael fel rhan o'ch gofal cynenedigol arferol. Gall sgrinio gynnwys sganiau uwchsain a phrofion gwaed. Mae'n bwysig penderfynu pa brofion, os o gwbl, sy'n iawn i chi.
Mae cymryd rhan mewn sgrinio yn rhywbeth y gallwch chi ei wneud i ofalu amdanoch chi ac iechyd eich baban.
Am fwy o wybodaeth neu gefnogaeth, siaradwch â'ch bydwraig neu feddyg.
Mae'r animeiddiad hwn yn rhoi gwybodaeth am y profion sgrinio a gynigir i chi yn ystod beichiogrwydd i chi a'ch babi.
Mae’r prawf sgrinio cyn geni’n cynnwys:
Nid fydd angen profion pellach ar y myafrif o ferched. Fodd bynnag, os yw'ch prawf sgrinio yn awgrymu bod gennych chi, neu'ch babi siawns uwch o gawl cyflwr penodol, cynigir profion pellach.
Ymwelwch â'ch bydwraig yn gynnar i'ch helpu i wneud y dewisiadau gorau ar gyfer eich
beichiogrwydd.
Mae staff gofal iechyd yn dilyn canllawiau atal a rheoli heintiau. Mae hyn yn golygu eu bod yn dilyn arferion glanhau dwylo llym ac yn glanhau holl ardaloedd ac offer y clinig yn rheolaidd.
Os ydych chi'n mynychu clinig cymunedol, siaradwch â'ch bydwraig am sut y bydd sgrinio'n digwydd yn eich Bwrdd Iechyd. Bydd yn esbonio beth maent yn ei wneud i'ch cadw'n ddiogel.
Cysylltwch â'ch bydwraig os ydych chi'n teimlo'n sâl neu os oes gennych unrhyw gwestiynau neu bryderon am eich apwyntiad sgrinio cynenedigol.
Bydd eich bydwraig yn dweud wrthych sut a phryd y byddwch yn cael canlyniadau’ch profion.
Bydd eich bydwraig yn dweud wrthych lle y gallwch gael y profion.
Yn ystod eich beichiogrwydd, cewch gynnig nifer o brofion sgrinio gwahanol. Eich dewis chi yw sgrinio. Gall fod yn anodd penderfynu pa brofion i’w cael. Nid yw rhai menywod am wybod a oes ganddynt unrhyw gyflyrau iechyd a allai effeithio arnyn nhw neu eu babi. Bydd eraill am wybod a oes ganddynt unrhyw gyflyrau iechyd a allai effeithio arnyn nhw neu eu babi er mwyn iddynt allu gwneud penderfyniadau ar driniaeth neu, os oes canfyddiadau heb esboniad, i baratoi ar gyfer yr enedigaeth neu ystyried dod â’r beichiogrwydd i ben.
Cymerwch amser i feddwl cyn i chi benderfynu. Gallwch siarad am y profion â’ch bydwraig, a gofyn unrhyw gwestiynau sydd gennych. Pan fyddwch wedi dewis pa brofion rydych am eu cael, bydd y fydwraig yn gwneud trefniadau ar eich rhan.
Os byddwch chi’n dewis cael prawf sgrinio neu brofion mewnwthiol, er enghraifft amniosentesis neu CVS (samplu filws corionig), gellir storio eich samplau'n ddiogel yn ystod ac ar ôl eich beichiogrwydd yn unol â chanllawiau cenedlaethol (Coleg Brenhinol y Patholegwyr: Cadw a storio cofnodion a sbesimenau patholegol) ac fel y nodir isod.
Caiff eich sampl gwaed ei storio am ddwy flynedd. Os byddwch chi neu'ch baban yn dangos arwyddion o haint arall yn ddiweddarach yn eich beichiogrwydd neu ar ôl i'ch baban gael ei eni, gellir profi'r sampl a chymharu'r canlyniadau â phrofion gwaed y gallech fod yn eu cael yn ddiweddarach yn eich beichiogrwydd.
Grŵp gwaed – caiff eich sampl gwaed ei storio rhwng saith a 14 diwrnod ar ôl i'ch canlyniad fod yn hysbys. Yna caiff ei ddinistrio.
Profion gwrthgyrff – caiff eich sampl gwaed ei storio am 12 mis. Mae cyflwr prin, o'r enw clefyd hemolytig y ffetws a’r newyddanedig (HDFN), a all effeithio ar fabanod. Os bydd eich baban yn dangos arwyddion o'r cyflwr hwn, bydd eich sampl yn cael ei ddefnyddio i helpu â diagnosis a thriniaeth.
DNA di-gell y ffetws (cffDNA) – caiff eich sampl gwaed ei storio am o leiaf flwyddyn. Bydd hyn yn digwydd rhag ofn y bydd angen i ni wirio'r canlyniad yn dilyn genedigaeth eich baban. Mae’n bosibl y bydd eich sampl yn cael ei ddefnyddio i gynnal a gwella safon y prawf ar gyfer y dyfodol. Yna caiff ei ddinistrio.
Grŵp gwaed eich baban – os ydych chi'n D negatif, bydd eich bydwraig yn cymryd prawf gwaed gennych chi a rhywfaint o linyn bogail eich baban pan fydd yn cael ei eni. Caiff y sampl ei dinistrio unwaith y bydd grŵp gwaed eich baban yn hysbys (mae'n cymryd tua wythnos i gael y canlyniad).
Caiff eich sampl gwaed o'ch prawf cyfun neu bedwarplyg ei ddinistrio unwaith y bydd y canlyniad yn hysbys (mae'n cymryd tua wythnos i gael y canlyniad). Weithiau, gellir gwneud samplau sy'n weddill yn ddienw (caiff gwybodaeth a allai eich adnabod chi ei thynnu) a'i defnyddio gan y labordy i gynnal a gwella safon y prawf.
Caiff eich sampl gwaed ei storio am gyfnod amhenodol a gall y labordy ei ddefnyddio i gynnal a gwella safon y prawf.
Caiff eich sampl gwaed ei ddinistrio unwaith y bydd y canlyniad yn hysbys (fel arfer mae hyn tua phythefnos ar ôl iddo gael ei gymryd).
Bydd eich samplau'n cael eu storio a gellir eu defnyddio i gynnal a gwella safon y prawf. Weithiau, os bydd y prawf yn dangos bod gan eich baban newid cromosom neu enetig, gellir defnyddio eich sampl os bydd aelodau eraill o'r teulu yn dewis cael eu profi. Caiff samplau eu dinistrio yn unol â gweithdrefnau cenedlaethol a lleol.
Os hoffech drafod yr wybodaeth hon, cysylltwch â'ch bydwraig.