Fframwaith Asesu Iechyd GIG Cymru ar gyfer Plant sy’n Derbyn Gofal

Mae Fframwaith Asesu Iechyd GIG Cymru ar gyfer Plant sy’n Derbyn Gofal yn darparu safonau arfer da ar gyfer Byrddau Iechyd sy’n gweithio gyda phlant sy’n derbyn gofal gan yr awdurdod lleol.

Mae’r fframwaith wedi’i ddatblygu yn broffesiynol gan y Tîm Diogelu Cenedlaethol mewn cydweithrediad â’r holl Fyrddau Iechyd yng Nghymru. Ei nod yw hybu dull cyson o ymdrin â’r broses asesu iechyd a hybu cysondeb yn ansawdd yr asesiad a’r adroddiad iechyd ar gyfer pob plentyn neu berson ifanc sy’n derbyn gofal. Mae’r fframwaith hefyd yn hybu’r gwaith o ddatblygu pecyn cymorth sy’n ei gwneud yn bosibl cynnal archwiliadau ansoddol o’r broses asesu iechyd ar gyfer yr holl Fyrddau Iechyd ar draws GIG Cymru.