Wedi'i ddiweddaru ar gyfer tymor ffliw 2024-25
Mae'r wybodaeth yn y fersiwn hon yn seiliedig ar y canllawiau cyfredol ar 17.07.2024
Disgrifiad: Mae e-Ddysgu Diweddariad Clinigol ar y Ffliw ar gyfer Cymru (a elwid gynt yn FluTwo) yn ymwneud â’r ffliw a brechiadau rhag y ffliw. Mae wedi'i ddiweddaru ar gyfer tymor 2024-25, yn seiliedig ar y canllawiau cyfredol o 17.7.24.
Mae’r e-Ddysgu yn cynnwys pedwar modiwl:
Modiwl 1: Cyflwyniad i'r ffliw a brechu rhag y ffliw
Modiwl 2: Modiwl allanol UKHSA yw hwn, sy’n seiliedig ar y Safonau Gofynnol Cenedlaethol ar gyfer hyfforddiant Imiwneiddio – dim ond i’w gwblhau gan imiwnyddion newydd.
Modiwl 3: Modiwl ffliw oedolion
Modiwl 4: Modiwl ffliw plant
Ni fydd angen i bawb gwblhau'r pedwar modiwl. Bydd hyn yn dibynnu ar eich profiad blaenorol a'ch maes gwaith.
Addas ar gyfer: Mae e-Ddysgu Diweddariad Clinigol ar y Ffliw ar gyfer Cymru yn addas ar gyfer gweithwyr gofal iechyd proffesiynol, gan gynnwys Gweithwyr Cymorth Gofal Iechyd sy'n imiwneiddio rhag ffliw neu'n darparu cyngor ar imiwneiddio rhag y ffliw.
Hyd: Modiwlau 1,3,4 wedi'u cyfuno – 90 munud. Gall Modiwl 2 (i'w gwblhau gan imiwnyddion newydd) gymryd hyd at 10 awr.
Cofrestru: Gall staff GIG Cymru gael mynediad at y modiwl drwy'r Cofnod Staff Electronig (ESR). Am fwy o arweiniad ar sut i gael mynediad at y cwrs cliciwch yma.
Bydd angen enw defnyddiwr a chyfrinair ar staff nad oes ganddynt fynediad at ESR neu staff sy'n gweithio y tu allan i GIG Cymru er mwyn gallu cael mynediad at wefan Dysgu@Cymru. I ofyn am enw defnyddiwr a chyfrinair, cysylltwch â Desg Gymorth eAteb ar eateb@wales.nhs.uk, neu ffoniwch 02920 905444, neu gallwch sgwrsio’n fyw ar y wefan. Dywedwch wrthym beth yw eich enw, teitl eich swydd a’ch gweithle a bydd cyfrif yn cael ei greu ar eich cyfer. Os oes gennych gyfeiriad e-bost sy'n gorffen gyda .ac.uk neu .gov.uk, cliciwch yma i hunan-gofrestru.
Allweddi cofrestru Dysgu@Cymru: Cliciwch ar enw'r cwrs a bydd yn gofyn am eich allwedd cofrestru. Yr allwedd cofrestru ar gyfer practisiau meddygon teulu yw cod W eich practis ac yna ! e.e. W12345! Ar gyfer defnyddwyr eraill, os ydych yn ansicr o'ch allwedd cofrestru, cysylltwch â'r Ddesg Gymorth ar eAteb@wales.nhs.uk.
Mae canllaw defnyddwyr Dysgu@Cymru ar gael yma.