Byw gyda HIV
Cwrs Peilot Newydd
Rydym yn lansio cwrs peilot ar-lein, sef Byw gyda HIV. Cynlluniwyd y cwrs ar gyfer unigolion sy'n byw gyda diagnosis o HIV neu rai sy'n cefnogi rhywun â HIV. Bydd y cwrs chwe wythnos o hyd yn dechrau ar 6 Ionawr 2025, gyda’r cyfranogwyr yn cyfarfod yn wythnosol ar ddydd Llun rhwng 10:00 a 12:30.
Nod y rhaglen yw grymuso cyfranogwyr drwy roi’r sgiliau hunanreoli iddynt i’w helpu i fyw bywydau egnïol a boddhaus.
Mae Pynciau'r Cwrs yn cynnwys:
- Ffyrdd o ddelio ag ansicrwydd, heriau newydd a sut i drefnu eich diwrnod
- Y meddwl a’r corff - ymarfer corff ar gyfer aros yn iach, yn hyblyg ac yn gryf
- Gwneud penderfyniadau ar ymarferoldeb bywyd
- Rhyw, agosrwydd, a datgelu
- Gwerthuso symptomau
- Bwyta’n iach
- Cyfathrebu'n effeithiol gyda theulu, ffrindiau a'ch tîm gofal iechyd
Os oes gennych ddiddordeb mewn cymryd rhan, yn bodloni'r meini prawf, ac yn gallu ymrwymo i'r dyddiadau, llenwch y ffurflen isod. Bydd eich cyfranogiad yn helpu i ddatblygu’r cwrs i gefnogi eraill sy'n wynebu heriau tebyg yn well.
