Diwrnod Amser i Siarad

Disgrifiad

Paratowch ar gyfer Diwrnod Amser i Siarad 2025 ddydd Iau 6 Chwefror!

Ar y diwrnod hwn, mae Cymru yn dod at ei gilydd i sgwrsio am iechyd meddwl. Mae'n gyfle i bob un ohonom fod yn onest am sut rydyn ni'n teimlo pryd bynnag y mae angen i ni.

Oeddech chi'n gwybod bod un o bob pedwar o bobl yn wynebu heriau iechyd meddwl? Ond mae llawer o bobl yn dal i fod ofn siarad amdano. Gall yr ofn hwnnw wneud i bobl deimlo'n unig neu deimlo cywilydd.

Gall siarad am iechyd meddwl newid hynny. Mae’n helpu i gael gwared ar y cywilydd ac yn ei gwneud hi’n iawn gofyn am help pan fydd ei angen arnom. Pan fyddwn yn siarad yn agored, rydym yn ei gwneud yn haws i bawb gael cymorth.

Nid dim ond yng Nghymru y mae Diwrnod Amser i Siarad — mae’n cael ei gynnal ledled y DU. Yng Nghymru, mae’n cael ei redeg gan Amser i Newid Cymru, Adferiad, Mind Cymru, ynghyd â chefnogaeth gan y Co-op a Llywodraeth Cymru.

Pam mae siarad mor bwysig?

Pan fyddwn yn siarad, rydym yn torri'r distawrwydd o amgylch iechyd meddwl. Mae hyn yn helpu i greu cymunedau lle mae'n iawn gofyn am help pan nad ydym yn teimlo ar ein gorau.

Mae gweithleoedd yn lle gwych i gychwyn y sgyrsiau hyn. P'un a ydych chi'n cael sgwrs â chydweithwyr, yn lledaenu'r gair yn eich cymuned, neu'n defnyddio #AmserISiarad ar y cyfryngau cymdeithasol, gall gweithleoedd fod yn ganolbwynt ar gyfer y sgyrsiau pwysig hyn.

Gwnewch Ddiwrnod Amser i Siarad 2025 yn adeg o newid mewn gweithleoedd ledled Cymru a thu hwnt. Mae'n ymwneud â chodi llais, cefnogi ein gilydd, a gwneud iechyd meddwl yn flaenoriaeth.

Eisiau gwybod mwy am Ddiwrnod Amser i Siarad?

Edrychwch ar yr adnoddau Diwrnod Amser i Siarad yma!

Gall cyflogwyr hefyd ddod o hyd i ganllawiau defnyddiol ar ein tudalennau “Iechyd Meddwl a Llesiant” Cymru Iach ar Waith.

Dyma rai camau gweithredu i gyflogwyr i annog cymryd rhan yn ymgyrch Diwrnod Amser i Siarad:

• Hyrwyddo ymwybyddiaeth: Dechreuwch trwy ledaenu'r gair am Ddiwrnod Amser i Siarad ymhell ymlaen llaw. Defnyddiwch sianeli cyfathrebu mewnol fel e-byst, cylchlythyrau, a hysbysfyrddau i dynnu sylw at y digwyddiad, ei arwyddocâd, a sut y gall gweithwyr gymryd rhan.
• Defnyddiwch adnoddau: Manteisiwch ar yr adnoddau a ddarperir gan Ddiwrnod Amser i Siarad neu sefydliadau partner. Dosbarthwch ddeunyddiau addysgiadol, posteri, neu adnoddau ar-lein y gall gweithwyr eu cyrchu er gwybodaeth neu arweiniad.
• Ymgyrchoedd cyfryngau cymdeithasol: Crëwch ac anogwch y defnydd o hashnod dynodedig ar gyfer y gweithle i rannu straeon, adnoddau, a negeseuon o gefnogaeth yn ymwneud â Diwrnod Amser i Siarad. Gallai fod yn fewnol neu'n allanol, yn dibynnu ar bolisi cyfryngau cymdeithasol y cwmni.
• Annog hyblygrwydd: Caniatáu amserlennu hyblyg ar Ddiwrnod Amser i Siarad, gan ganiatáu i weithwyr gymryd seibiannau ar gyfer trafodaethau neu fynd i ddigwyddiadau cysylltiedig heb effeithio ar eu cyfrifoldebau yn y gwaith.
• Cynnal gweithdai neu sgyrsiau: Trefnwch sesiynau neu sgyrsiau rhyngweithiol dan arweiniad gweithwyr proffesiynol neu arbenigwyr iechyd meddwl i drafod pwysigrwydd iechyd meddwl. Gallai'r sesiynau hyn gynnwys mecanweithiau ymdopi, technegau rheoli straen, neu ddim ond man diogel ar gyfer trafodaethau agored.
•  Cymorth parhaus: Cofiwch, ni ddylai sgyrsiau iechyd meddwl gael eu cyfyngu i un diwrnod. Anogwch ddeialog barhaus ac ystyriwch weithredu archwiliadau neu fentrau iechyd meddwl rheolaidd trwy gydol y flwyddyn.

Drwy roi’r enillion cyflym hyn ar waith, gall cyflogwyr greu amgylchedd sy’n meithrin sgyrsiau agored am iechyd meddwl, gan gyfrannu’n gadarnhaol at lesiant gweithwyr a diwylliant cyffredinol y gweithle.