Ar y dudalen hon
Clefyd niwmococol yw'r enw ar grŵp o heintiau a achosir gan germ o'r enw niwmococws. Gall yr heintiau hyn fod yn ysgafn, fel heintiau sinws neu haint yn y glust, ond mae rhai yn ddifrifol iawn ac yn gallu arwain at:
Niwmonia – haint yn eich ysgyfaint
Sepsis – ymateb i haint sy'n peryglu bywyd ac yn gallu niweidio'ch corff cyfan
Llid yr ymennydd – chwydd o amgylch eich ymennydd a llinyn asgwrn y cefn, sy’n gallu achosi problemau iechyd hirdymor neu farwolaeth
I gael rhagor o wybodaeth am symptomau heintiau niwmococol, ewch i Heintiau niwmococol | NHS inform (safle allanol, Saesneg yn unig)
Mae gan bobl 65 oed neu’n hŷn a'r rhai â chyflyrau iechyd penodol siawns uwch o fynd yn sâl o ganlyniad i haint niwmococol. Maent yn fwy tebygol o gael problemau iechyd difrifol hirdymor a gallant hyd yn oed farw. Cynigir brechiad niwmococol am ddim i'r bobl hyn drwy'r GIG.
Mae'r brechlyn yn ddiogel a gall helpu i’ch amddiffyn chi rhag rhai o'r mathau mwy difrifol o heintiau niwmococol.
Heintiau niwmococol | NHS inform (safle allanol, Saesneg yn unig)
Haint Niwmococol | Vaccine Knowledge Project (safle allanol, Saesneg yn unig)