Mae Gweithlyfrau Addysgol wedi'u cynhyrchu'n benodol ar gyfer Cartrefi Gofal a lleoliadau Gofal Cartref ac wedi'u datblygu ar y cyd gan y Grŵp Atal a Rheoli Heintiau (IPC) Iechyd Cyhoeddus Cymru ac Ymddiriedolaeth Sefydledig GIG Harrogate a'r Cylch. Diolchwn i’n cydweithwyr yng Nghymru am gefnogi’r astudiaeth beilot a chynghori ar gynnwys a dosbarthiad, gan gynnwys Fforwm Gofal Cymru, y Bwrdd Comisiynu Cenedlaethol, Gwella Addysg Iechyd Cymru, Gofal Cymdeithasol Cymru a Llywodraeth Cymru. Rydym hefyd yn cydnabod yr holl gartrefi gofal a darparwyr gofal cartref a gymerodd ran yn y peilot a helpodd i wneud gwelliannau ar gyfer yr 2il rifyn sydd bellach ar gael.
Mae'r Gweithlyfrau hyn, sy’n cynnwys 76-80 tudalen A5, ar gyfer pob aelod o staff eu cadw fel rhan o'u portffolio yn ogystal â phwynt cyfeirio ar gyfer gweithio o ddydd i ddydd. Mae gan y Gweithlyfrau amser dysgu dan arweiniad o 3 awr i'w gwblhau gyda 'Profi eich gwybodaeth' ar ddiwedd pob adran â thystysgrif i'w chymeradwyo gan y rheolwyr. Ar ôl cwblhau'r Gweithlyfrau, gall gyfrif tuag at eich gofyniad Datblygu Proffesiynol Parhaus (DPP) ar gyfer eich proffesiwn a'ch gofynion ar gyfer cofrestru gofal cymdeithasol.
Ar ôl 12 mis o'ch archeb wreiddiol am y Llyfr Gwaith ar gyfer staff Cartrefi Gofal/Gofal Cartref, bydd y Tîm IPC Cymunedol yn cysylltu â chi i gynnig yr opsiwn i chi brynu set newydd o gwestiynau i staff eu defnyddio gyda'u Llyfr Gwaith gwreiddiol. Mae hyn yn helpu i ddarparu dull cost effeithiol o sicrhau bod staff yn cael eu hyfforddiant IPC blynyddol am ail flwyddyn. Y gost ar gyfer y set newydd hon o gwestiynau fyddai £1.00 yr aelod staff. Byddech yn derbyn taflen gwestiynau, taflen atebion (ar gyfer rheolwyr) a Thystysgrif newydd. Byddai'r rhain i gyd yn cael eu hanfon trwy e-bost. Bydd y gweithlyfrau’n cael eu hadolygu yn 2025 a bydd unrhyw newidiadau mewn polisi yn cael eu postio yn adran diweddariadau’r wefan.
Mae’r Gweithlyfrau’n ymdrin ag amrywiaeth o bynciau megis:
Mae'r gweithlyfrau hyn ar gael yn Gymraeg fel fersiwn electronig neu yn Saesneg fel copi papur. Bydd copïau papur ar gael i'w dosbarthu 1 Medi.
Ar gael am £3.29 am bob gweithlyfr (gan gynnwys postio a phecynnu) wrth brynu 61 neu fwy o gopïau. Gweler y ffurflen archebu am ragor o fanylion.
Bydd unrhyw gyngor sy'n archebu'n uniongyrchol yn cael gostyngiad o 10% oddi ar archebion sy’n cynnwys dros 61 Gweithlyfr.
Lawrlwythwch y ffurflen archebu isod a dilynwch y cyfarwyddiadau a nodir.
“Gofal cathetr - doeddwn i ddim yn gwybod na ddylai bag cathetr gael ei wagio mwy nag sydd ei angen gan y gallai hyn achosi haint”
“Nid oeddwn wedi clywed am C.difficile o’r blaen. Teimlaf fy mod wedi dysgu beth yw hwn a sut i’w reoli’n ddiogel”
“Roedd yn weithlyfr da ac addysgiadol iawn y gwnaethom fwynhau ei gwblhau. Mewn gwirionedd, fe helpodd ddod â’r tîm ynghyd a sbardunodd sgyrsiau ynghylch rheoli heintiau na fyddai wedi cael ei drafod heb y gweithlyfr hwn.”
“Adnodd gwerthfawr iawn ac mae’n wych cael y wybodaeth wedi’i choladu mewn un lle. Braf teimlo eich bod yn cael eich gwerthfawrogi h.y. derbyn yr un wybodaeth / hyfforddiant â chydweithwyr yn y GIG"
“Fe’ch atgoffir o’r canlyniadau os na chaiff y gweithdrefnau hyn o ran atal heintiau hyn eu dilyn. Mae’n ddyletswydd arnom i gadw pawb yn ddiogel drwy ddilyn canllawiau”
Os oes gennych unrhyw ymholiadau eraill, cysylltwch â HARP@Wales.nhs.uk