Datganiad hygyrchedd

Rydym yn gwybod nad yw rhai rhannau o'r wefan hon yn gwbl hygyrch. I gywiro cydymffurfiad WCAG 2.2 AA, mae Iechyd Cyhoeddus Cymru'n adeiladu gwefan newydd sbon. Bydd y wefan newydd yn fyw o ddiwedd mis Mawrth 2025. O ganlyniad i'r buddsoddiad ym mhrosiect y wefan newydd, ni fydd materion cydymffurfiad ar y wefan bresennol yn cael eu trwsio.

Mae’r datganiad hygyrchedd hwn yn berthnasol i wefan Iechyd Cyhoeddus Cymru:  https://icc.gig.cymru/

Mae’r wefan hon yn cael ei rhedeg gan Iechyd Cyhoeddus Cymru. Rydym am i gynifer o bobl â phosibl allu defnyddio’r wefan hon. Er enghraifft, mae hynny'n golygu y dylech allu:

chwyddo hyd at 200% heb heb fod y testun yn gorlifo o’r sgrin
llywio'r rhan fwyaf o'r wefan gan ddefnyddio bysellfwrdd yn unig
llywio'r rhan fwyaf o'r wefan gan ddefnyddio meddalwedd adnabod lleferydd
gwrando ar y rhan fwyaf o'r wefan gan ddefnyddio darllenydd sgrin (gan gynnwys y fersiynau diweddaraf o JAWS, NVDA a VoiceOver).

Rydym hefyd wedi gwneud testun y wefan mor syml â phosibl i'w ddeall. Gall AbilityNet gynnig cyngor ar wneud eich dyfais yn haws i’w defnyddio os oes gennych anabledd.

Mae hygyrchedd ar y wefan hon yn cael ei arwain gan safonau llywodraeth a’r Canllawiau Hygyrchedd Cynnwys Gwe (WCAG). Derbynnir WCAG yn gyffredinol fel y safon ryngwladol ar gyfer hygyrchedd ar y we.

Er i ni anelu at wneud y wefan hon yn hygyrch i bob defnyddiwr a chyflawni lefel cydymffurfiad 'AA' WCAG; rydym yn gweithio'n barhaus gyda rhanddeiliaid i sicrhau y cedwir at lefel cydymffurfio 'A' fel lleiafswm.

Os cewch unrhyw broblem gyda hygyrchedd ar y wefan hon neu os oes gennych unrhyw sylwadau, cysylltwch â ni.

Pa mor hygyrch yw’r wefan hon

Fersiwn 3, wedi’i gyhoeddi 08/11/2024

Mae Iechyd Cyhoeddus Cymru wedi comisiynu Rhaglen Trawsnewid y We. Rydym yn gweithio tuag at wefan newydd a fydd yn cydymffurfio’n llawn â safonau WCAG AA 2.2 erbyn diwedd mis Mawrth 2025.

Gwyddom nad yw rhai rhannau o’r wefan hon yn gwbl hygyrch:

Mae’n bosibl na fydd rhannau o rai tudalennau’n gweithio’n dda gyda Thechnolegau Cynorthwyol fel darllenwyr sgrin
Nid yw rhai dewislenni’n gwbl hygyrch
Nid oes gan rai botymau a dolenni ddisgrifiadau hygyrch
Mae rhai tudalennau'n cynnwys testun sydd â chyferbyniad lliw gwael
Mae rhai tudalennau'n cynnwys penawdau nad ydynt wedi'u trefnu'n rhesymegol
Ni ellir defnyddio rhai tudalennau'n llawn gyda'r bysellfwrdd
Mae gan rai tudalennau drefn ffocws afresymegol
Mae eitemau dewislen eilaidd yn newid trefn wrth i eitem gael ei dewis
Mae gan rai ffurflenni negeseuon gwall neu labeli nad ydynt yn glir
Ni ellir seibio na stopio rhywfaint o gynnwys sy'n symud

Adborth a gwybodaeth gyswllt

Os oes angen gwybodaeth arnoch ar y wefan hon mewn fformat gwahanol fel PDF hygyrch, print bras, hawdd ei ddarllen, recordiad sain neu braille, cysylltwch â ni yn y lle cyntaf a byddwn yn trosglwyddo'ch cais i'r tîm perthnasol. Byddwn yn ystyried eich cais ac yn cysylltu’n ôl â chi ymhen 10 diwrnod gwaith.

Rhoi gwybod am broblemau hygyrchedd gyda'r wefan hon

Rydym bob amser yn ceisio gwella hygyrchedd y wefan hon. Os dewch ar draws unrhyw broblemau nad ydynt wedi'u rhestru ar y dudalen hon neu os ydych yn meddwl nad ydym yn bodloni gofynion hygyrchedd, cysylltwch â ni.

Gweithdrefn orfodi

Mae'r Comisiwn Cydraddoldeb a Hawliau Dynol (EHRC) yn gyfrifol am orfodi Rheoliadau Hygyrchedd Cyrff y Sector Cyhoeddus (Gwefannau a Chymwysiadau Symudol) (Rhif 2) 2018 (y 'rheoliadau hygyrchedd'). Os nad ydych yn fodlon ar sut rydym yn ymateb i'ch cwyn, cysylltwch â'r Gwasanaeth Cynghori a Chymorth Cydraddoldeb (EASS).

Gwybodaeth dechnegol am hygyrchedd y wefan hon

Mae Iechyd Cyhoeddus Cymru wedi ymrwymo i wneud ei wefan yn hygyrch, yn unol â Rheoliadau Hygyrchedd Cyrff y Sector Cyhoeddus (Gwefannau a Chymwysiadau Symudol) (Rhif 2) 2018.

Statws cydymffurfio

Mae'r wefan hon yn cydymffurfio'n rhannol â safon AA Canllawiau Hygyrchedd Cynnwys Gwe 2.2, o ganlyniad i’r diffyg cydymffurfiad a'r eithriadau a restrir isod.

Cynnwys anhygyrch

Nid yw'r cynnwys a restrir isod yn hygyrch am y rhesymau canlynol.

Diffyg cydymffurfio â'r rheoliadau hygyrchedd

Er i ni ymdrechu i fodloni 'WCAG 2.2 AA' mae gennym y materion diffyg cydymffurfiad a ganlyn ar hyn o bryd:

Mae rhai dewislenni, a rhannau o rai tudalennau wedi'u marcio mewn ffordd a allai eu gwneud yn ddryslyd pan gânt eu cyrchu gan ddefnyddio Technolegau Cynorthwyol. Mae hyn yn methu maen prawf llwyddiant 4.1.2 WCAG 2.1 - Enw, Rôl, Lefel Werth A
Mae dewislen wag yn bresennol ar rai tudalennau. Mae hyn yn methu maen prawf llwyddiant 4.1.1 WCAG 2.1 - Dosrannu Lefel A, a maen prawf llwyddiant 4.1.2 WCAG 2.1 - Enw, Rôl, Gwerth Lefel A
Nid oes label hygyrch ar y botwm a ddefnyddir i glirio unrhyw destun a nodir yn y blwch chwilio. Mae hyn yn methu maen prawf llwyddiant 4.1.2 WCAG 2.1 - Enw, Rôl, Lefel Werth A
Mae'r botwm/dolen a ddefnyddir i newid iaith yn cyflwyno label gwahanol a llai penodol i Dechnolegau Cynorthwyol nag i ddefnyddwyr gweledol. Mae hyn yn methu maen prawf llwyddiant 3.3.2 WCAG 2.1 - Labeli neu Gyfarwyddiadau Lefel A
Nid oes gan rai darnau o destun ddigon o wrthgyferbyniad â'i gefndir. Mae hyn yn methu maen prawf llwyddiant 1.4.3 WCAG 2.1 - Cyferbyniad (Lleiafswm) Lefel AA.
Nid yw penawdau ar rai tudalennau mewn trefn nythu resymegol. Mae hyn yn methu maen prawf llwyddiant 1.3.1 WCAG 2.1 - Gwybodaeth a Pherthnasoedd Lefel A
Nid oes modd defnyddio rhai rhannau o rai tudalennau’n llawn gyda'r bysellfwrdd. Mae hyn yn methu maen prawf llwyddiant 2.1.1 WCAG 2.1 - Bysellfwrdd Lefel A
Mae gan rai elfennau drefn ffocws afresymegol. Mae hyn yn methu maen prawf llwyddiant 2.4.3 WCAG 2.1 - Trefn Ffocws Lefel A
Mae eitemau dewislen eilaidd yn newid trefn pan fydd eitem yn cael ei dewis. Mae hyn yn methu maen prawf llwyddiant 3.2.3 WCAG 2.1 - Llywio Cyson Lefel AA
Mae gan rai ffurflenni negeseuon gwall neu labeli nad ydynt yn glir. Mae hyn yn methu maen prawf llwyddiant 3.3.2 WCAG 2.1 - Labeli neu Gyfarwyddiadau Lefel A
Nid oes gan rai carwsélau (a ddangosir ar sgriniau bach yn unig neu ar lefelau chwyddo uchel) ffordd o seibio neu stopio eu symudiad. Mae hyn yn methu maen prawf llwyddiant 2.2.2 WCAG 2.1 - Seibio, Stopio, Cuddio Lefel A

Baich anghymesur

Mae rhai adrannau o’n gwefan o natur gorfforaethol, nad ydynt yn hygyrch ar hyn o bryd, sydd wedi’u cynhyrchu ers mis Medi 2018.

Ar hyn o bryd, mae'r adrannau hyn wedi'u rhestru fel a ganlyn: (ac yn destun newid).

Papurau bwrdd neu bwyllgorau
Adroddiadau perfformiad a all gynnwys data adrodd/ystadegol cymhleth
Polisïau a gweithdrefnau a gynhyrchwyd ers mis Medi 2018
Cyhoeddiadau sy’n cysylltu o'n tudalennau Rhyddid Gwybodaeth – gan gynnwys logiau datgeliadau
Cyhoeddiadau a allai fod wedi’u cynhyrchu’n broffesiynol ers mis Medi 2018 y byddai’n rhaid iddynt gael eu trwsio gan drydydd parti.

Llywio a chyrchu gwybodaeth

Nid oes unrhyw ffordd o hepgor y cynnwys ailadroddus ym mhennyn y dudalen (er enghraifft, opsiwn 'neidio i'r prif gynnwys').
Nid yw bob amser yn bosibl newid cyfeiriadedd y ddyfais o lorweddol i fertigol heb ei gwneud hi'n anoddach gweld y cynnwys.
Nid yw'n bosibl i ddefnyddwyr newid maint y testun heb i rywfaint o'r cynnwys orgyffwrdd.

Cynnwys nad yw o fewn cwmpas y rheoliadau hygyrchedd

PDFs a dogfennau eraill

Mae rhai o'n dogfennau PDF a Word yn hanfodol i ddarparu ein gwasanaethau neu rannu gwybodaeth. Er enghraifft, o bryd i'w gilydd mae gennym daflenni gwybodaeth cleifion ar ffurf PDF a ffurflenni sy’n cael eu cyhoeddi fel dogfennau Word. O fis Hydref 2024 ymlaen, bydd PDFs sydd wedi’u creu ar gyfer ein cynulleidfa gyhoeddus yn cael eu disodli gan dudalennau HTML hygyrch.

Nid yw’r rheoliadau hygyrchedd yn ei gwneud hi’n ofynnol i ni drwsio PDFs neu ddogfennau eraill a gyhoeddwyd cyn 23 Medi 2018 os nad ydynt yn hanfodol i ddarparu ein gwasanaethau. Nid ydym yn bwriadu trwsio unrhyw PDFs neu ddogfennau eraill a gyhoeddwyd cyn 23 Medi 2018, er enghraifft Papurau Bwrdd a Phwyllgorau, dogfennaeth polisïau a gweithdrefnau’r Bwrdd Iechyd neu ddogfennaeth statudol megis Adroddiadau Blynyddol. Fodd bynnag, byddwn yn ymdrechu i wneud unrhyw PDFs neu ddogfennau Word newydd yn hygyrch lle bynnag y bo modd.

Fideo byw

Nid ydym yn bwriadu ychwanegu capsiynau at ffrydiau sain neu fideo byw oherwydd bod fideo byw wedi'i eithrio rhag bodloni'r rheoliadau hygyrchedd. Fodd bynnag, byddwn bob amser yn ceisio darparu fersiynau wedi'u hisdeitlo o fideos a recordiwyd ymlaen llaw.

Paratoi'r datganiad hygyrchedd hwn

Paratowyd y datganiad hwn ym mis Mehefin 2022 ac fe’i ddiweddarwyd ym mis Tachwedd 2024. Bydd yn cael ei adolygu ym mis Mawrth 2025 fel rhan o lansio’r wefan newydd.

Profwyd y wefan hon ddiwethaf ym mis Mehefin 2022. Cynhaliwyd y prawf gan y Ganolfan Hygyrchedd Digidol ym Mhen-y-bont ar Ogwr.

Cynhaliwyd y prawf gan y Ganolfan Hygyrchedd Digidol ym Mhen-y-bont ar Ogwr.