Adfyd ac Iechyd yn Hwyrach mewn Bywyd: Mewnwelediadau o Ymchwil yng Nghymru

Ynglŷn â'r digwyddiad hwn

Mae Cymru wedi ymrwymo i greu cymdeithas sy’n oed-gyfeillgar lle mae pobl o bob oed yn cael eu gwerthfawrogi ac yn gallu byw a heneiddio’n dda. Mae atal anawsterau yn hwyrach mewn bywyd sy’n gallu niweidio iechyd a llesiant yn ganolog i’r ymrwymiad hwn ac yn hanfodol i wella manteision cymdeithasol poblogaeth hŷn sy’n cynyddu.

Tynnodd y weminar hon sylw at effeithiau adfyd yn hwyrach mewn bywyd ar iechyd a llesiant pobl hŷn, ac yn cyflwyno canfyddiadau allweddol o astudiaethau diweddar a gynhaliwyd gan Iechyd Cyhoeddus Cymru. Roedd y rhain yn cynnwys:

• Arolwg poblogaeth cenedlaethol o oedolion 60 oed a hŷn yn archwilio amlygiad i brofiadau niweidiol gan gynnwys cam-drin, tlodi, unigrwydd ac ynysigrwydd cymdeithasol a’u heffaith ar iechyd a llesiant
• Monitro tymheredd cartrefi a chyfweliadau â thrigolion yn archwilio effaith cartrefi oer ar iechyd a llesiant
• Crynhoi gwybodaeth ac ymarfer ar ynysigrwydd cymdeithasol, unigrwydd a chysylltiad cymdeithasol yng Nghymru

Canlyniadau Dysgu

• Ymwybyddiaeth o ymchwil sy’n dod i’r amlwg ar bobl hŷn gan Iechyd Cyhoeddus Cymru
• Deall effeithiau adfyd yn hwyrach mewn bywyd ar iechyd a llesiant
• Nodi datrysiadau a chyfleoedd yng Nghymru