Neidio i'r cynnwys

Newid iaith y wefan

Adroddiadau

Rhaglen Nodwyddau a Chwistrellau Arbenigol – Deall newid yn nhrafodion rhaglen nodwyddau a chwistrellau

Manylion:

Awduron: Tîm Camddefnyddio Sylweddau Rhaglen Iechyd Cynhwysiant Clefydau Trosglwyddadwy, Is-adran Diogelu Iechyd, Iechyd Cyhoeddus Cymru

Cyhoeddwyd ar: 27ain Gorffennaf 2026

Mae rhaglenni nodwyddau a chwistrellau (NSP) yn darparu ymyriadau lleihau niwed cynhwysfawr i’r boblogaeth o bobl sy’n defnyddio cyffuriau. Mae darpariaeth NSP yn offeryn hanfodol wrth leihau trosglwyddiad feirysau a heintiau bacterol a gludir
yn y gwaed trwy roi mynediad at offer chwistrellu di-haint. Mae rhaglenni nodwyddau a chwistrellau hefyd yn darparu cyngor ar leihau niwed mewn perthynas ag atal gorddos, naloxone i’w ddefnyddio gartref, a llwybrau i iechyd a gofal cymdeithasol ehangach.

Mae data o’r Gronfa Ddata Lleihau Niwed (HRD) wedi dangos bod gweithgarwch NSP wedi gostwng yn sylweddol ledled Cymru dros sawl blwyddyn. Fe wnaeth hyn arwain at adolygiad cynhwysfawr o ffactorau cyd-destunol a chymdeithasol sy’n dylanwadu ar weithgarwch NSP. Mae’r adroddiad hwn yn un o dri ac mae’n
canolbwyntio ar ddarpariaeth NSP o safleoedd arbenigol a ddarperir gan sefydliadau statudol a gwasanaethau’r trydydd sector. Mae’r ddau adroddiad arall yn cyflwyno safbwyntiau cyfoedion ar y ffactorau sy’n cyfrannu at ostyngiad mewn
gweithgarwch NSP ac yn archwilio’r ffactorau cymdeithasol a chyd-destunol sy’n dylanwadu ar weithgarwch NSP mewn fferyllfeydd cymunedol.

Mae’r adolygiad hwn yn cwmpasu 95% o safleoedd NSP arbenigol ledled Cymru a chafodd 104 aelod o staff eu cyfweld. Nodwyd y 4 thema allweddol ganlynol:

  1. Rhwystrau a hwyluswyr sy’n effeithio ar ddefnyddio gwasanaethau NSP arbenigol
  2. Ffactorau cymdeithasol a chyd-destunol sy’n effeithio ar weithgarwch mewn gwasanaethau NSP
  3. Angen cynyddol am wasanaethau iechyd a gofal cymdeithasol:
    Goblygiadau ar gyfer cyflenwi gwasanaethau NSP arbenigol
  4. Mae angen i hyfforddiant y gweithlu gryfhau gwaith cyflenwi
    gwasanaethau NSP

Bydd pob thema yn cael ei thrafod yn ei thro.

Lawrlwythiadau adroddiadau

Rhaglen Nodwyddau a Chwistrellau Arbenigol - Deall newid yn nhrafodion rhaglen nodwyddau a chwistrellau

PDF, 572KB

Llawrlwytho PDF - Rhaglen Nodwyddau a Chwistrellau Arbenigol - Deall newid yn nhrafodion rhaglen nodwyddau a chwistrellau (572 KB)

Llawrlwytho PDF

Adroddiadau perthnasol

Yn ôl i'r brig

Setiau data cysylltiedig

Yn ôl i'r brig