Neidio i'r cynnwys

Newid iaith y wefan

Adroddiadau

Animeiddiadau brechlynnau: adroddiad ymchwil a phrofi gyda chynulleidfaoedd

Manylion:

Awduron: Social Change

Cyhoeddwyd ar: 1af Ionawr 2026

  • Cymru Gyfan/Cenedlaethol

Enter textMae Rhaglen Frechu yn Erbyn Clefydau Ataliadwy (VPDP) Iechyd Cyhoeddus Cymru (ICC) wedi comisiynu gwaith ymchwil yn flaenorol tuag at ddatblygu adnoddau gwybodaeth ynghylch brechu â brechlynnau HPV a ffliw ar gyfer oedran ysgol uwchradd.

O ganlyniad i’r gwaith hwn, casglwyd mewnwelediadau ynghylch y math o fformat, arddull a chynnwys sydd orau gan bobl ifanc, a datblygwyd animeiddiadau ar gyfer pob un o’r brechlynnau hyn. Mae gwaith blaenorol wedi tynnu sylw at y ffaith ei bod yn well gan bobl ifanc adnoddau gwybodaeth clyweledol (animeiddiadau), yn bennaf i’w dangos mewn lleoliadau addysgol fel gwasanaethau ysgol ac ystafelloedd dosbarth, gydag asedau ategol sy’n cynnwys taflenni y gallan nhw wedyn eu rhannu gyda’u rhieni neu eu gwarcheidwaid.

I adeiladu ymhellach ar y mewnwelediadau hyn, comisiynodd ICC Social Change i gynnal grwpiau ffocws gyda phlant ysgol uwchradd ym Mlwyddyn 9 a 10 i lywio gwaith i gyd-gynhyrchu dau animeiddiad arall gydag asedau ategol yn targedu pobl ifanc yn y grŵp oedran hwn. Mae un animeiddiad ac un grŵp ffocws ar y brechiad atgyfnerthu 3-mewn-1 (sydd hefyd yn cael ei alw’n frechlyn Td/IPV), tra bo’r animeiddiad a’r grŵp ffocws arall yn ymwneud â brechlyn MenACWY. Dechreuodd y prosiect cyn gwyliau’r haf i ymgysylltu â myfyrwyr Blwyddyn 9 yn syth ar ôl i’w brechiadau ddigwydd, ond yn dilyn oedi dros gyfnod yr haf, fe ddilynon ni’r garfan hon i mewn i ddechrau Blwyddyn 10 i gofnodi eu profiadau.

Lawrlwythiadau adroddiadau

Animeiddiadau brechlynnau - adroddiad ymchwil a phrofi gyda chynulleidfaoedd

PDF, 3MB

Llawrlwytho PDF - Animeiddiadau brechlynnau - adroddiad ymchwil a phrofi gyda chynulleidfaoedd (3 MB)

Llawrlwytho PDF

Adroddiadau perthnasol

Yn ôl i'r brig

Setiau data cysylltiedig

Yn ôl i'r brig