Natur er budd Tegwch Iechyd: Creu Cymunedau Tecach, Gwyrddach ac Iachach

Ynglŷn â'r digwyddiad hwn

Ymunwch â ni ar gyfer ein gweminar sydd ar ddod sy’n archwilio’r berthynas rhwng anghydraddoldebau iechyd a natur.

Mae ymchwil yn dangos yn gynyddol y manteision iechyd a llesiant eang y mae natur yn eu darparu, o greu cyfleoedd ar gyfer ymarfer corff yn yr awyr agored, i gefnogi iechyd meddwl gwell, a helpu i leihau effeithiau newid hinsawdd trwy fesurau fel creu mwy o gysgod a lleihau tymereddau mewn ardaloedd trefol.

Gyda’n gilydd, byddwn yn archwilio’r dystiolaeth sy’n cysylltu mynediad at fannau gwyrdd a glas â chanlyniadau iechyd ac yn ystyried sut y gallai datrysiadau sy’n seiliedig ar natur helpu i wella bywydau’r rhai yr effeithir arnynt fwyaf gan anghydraddoldebau iechyd.

Byddwn hefyd yn trafod sut mae newid hinsawdd yn effeithio’n anghymesur ar gymunedau difreintiedig ac ymylol ac yn archwilio a all ymyriadau sy’n seiliedig ar natur helpu i greu cymdogaethau oerach, iachach a mwy gwydn a lleihau risgiau llifogydd.

Deilliannau Dysgu:

• Deall sut mae natur yn cefnogi iechyd trwy weithgarwch corfforol a llesiant meddyliol a gwydnwch i effeithiau’r hinsawdd
• Deall sut mae anghydraddoldebau o ran mynediad at fannau gwyrdd a glas yn effeithio ar grwpiau agored i niwed a chymunedau ymylol
• Nodi enghreifftiau ymarferol o ymyriadau a all gefnogi cymunedau sy’n agored i niwed
• Archwilio ffyrdd o integreiddio natur i waith cynllunio, strategaethau a rhaglenni iechyd y cyhoedd a gwaith addasu i’r hinsawdd.