Cyfarfod Cyffredinol Blynyddol – 14 Gorffennaf 2026

Cynhelir Cyfarfod Cyffredinol Blynyddol Bwrdd Iechyd Cyhoeddus Cymru ddydd Mawrth 14 Gorffennaf 2026.

Iechyd Cyhoeddus Cymru yw sefydliad iechyd y cyhoedd yng Nghymru ac mae’n un o Ymddiriedolaethau’r GIG. Mae’r Cyfarfod Cyffredinol Blynyddol yn gyfle i ymgysylltu â ni wrth adolygu cyflawniadau 2025/26 ar draws ein rolau a’n cyfrifoldebau niferus, ac wrth drafod y cyfleoedd a’r heriau sydd o’n blaenau.

Eleni, bydd cyflwyniad ar yrfaoedd a phrentisiaethau yn Iechyd Cyhoeddus Cymru, ac yna digwyddiad Darganfod Gyrfaoedd.

Bydd y digwyddiad yn ddigwyddiad ar ffurf diwrnod agored lle gallwch ddod i weld pa fath o swyddi a llwybrau gyrfa sydd gennym yn Iechyd Cyhoeddus Cymru. Bydd y staff ar y stondinau yn arddangos eu gwaith gyda gweithgareddau rhyngweithiol ac arddangosiadau byw.

Cynhelir y cyfarfod wyneb yn wyneb yng Nghanolfan OpTic (Prifysgol Wrecsam) yn Llanelwy ac ar-lein.

Cynhelir y Cyfarfod Cyffredinol Blynyddol rhwng 12yp ac 1yp yn yr Ystafell Gynadledd, Canolfan OpTic, Llanelwy, a bydd yn cael ei ffrydio’n fyw ar-lein.

I’r rhai sy’n ymuno wyneb yn wyneb, ymunwch â ni am ginio a’r Digwyddiad Darganfod Gyrfaoedd ar ôl y cyfarfod rhwng 1yp a 3yp yn ‘Y Stryd’.

Bydd copïau electronig o’r Adroddiad Blynyddol a’r Cyfrifon Archwiliedig ar gael ar y wefan yn Saesneg ac yn Gymraeg cyn y digwyddiad.