Dosbarth Meistr Gwerth Cymdeithasol: Mesur gwerth iechyd cyhoeddus

Ynglŷn â'r digwyddiad hwn

Mewn cyfnod pan mae adnoddau’n brin, yn enwedig ym maes iechyd y boblogaeth ac atal, mae cydweithredu rhwng penderfynwyr, deiliaid cyllidebau, ymarferwyr ac ymchwilwyr yn hanfodol. Dylai’r ymdrech gyfunol hon anelu at wneud y mwyaf o’r gwerth (cymdeithasol, economaidd ac amgylcheddol) ehangach sy’n cael ei greu o wariant ar, a buddsoddi mewn, gwasanaethau iechyd (cyhoeddus) ac ymyriadau.

Bwriad y Dosbarth Meistr hwn yw gwella dealltwriaeth o werth cyfannol ehangach iechyd cyhoeddus trwy archwilio cysyniad Gwerth Cymdeithasol. Mae’n arfogi cyfranogwyr y wybodaeth a’r adnoddau sylfaenol i ystyried gwerth ehangach eu meysydd gwasanaeth o fewn iechyd cyhoeddus.

Deilliannau dysgu:

• Hyrwyddo pwysigrwydd dal a mesur gwerth ehangach iechyd cyhoeddus
• Gwella dealltwriaeth o pam mae gwerth a Gwerth Cymdeithasol yn bwysig trwy gyflwyno’r cyd-destun strategol a pholisi yng Nghymru a’r tu hwnt
• Arddangos ffyrdd ymarferol o gofnodi Gwerth Cymdeithasol ymyriadau a gwasanaethau iechyd cyhoeddus

Hwylusydd:
Mariana Dyakova – Ymgynghorydd Iechyd Cyhoeddus, Arweinydd Iechyd Rhyngwladol a Dirprwy Gyfarwyddwr, Polisi ac Iechyd Rhyngwladol, Canolfan Gydweithredol Sefydliad Iechyd y Byd, Iechyd Cyhoeddus Cymru

Siaradwyr:
Kathryn Ashton – Rheolwr Rhaglen (Gwerth Cymdeithasol ac Adenillion o Fuddsoddi), Canolfan Gydweithredol Sefydliad Iechyd y Byd, Iechyd Cyhoeddus Cymru

Anna Stielke – Swyddog Datblygu Tystiolaeth Ryngwladol (Gwerth ac Effaith), Canolfan Gydweithredol Sefydliad Iechyd y Byd, Iechyd Cyhoeddus Cymru

Oliver Kempton – Partner a Chyd-sylfaenydd, Envoy Partnership

Mae trawsgrifiad o’r fideo ar gael ar gais