Y tu hwnt i’r presennol: Sut i gymhwyso meddwl hirdymor i leihau anghydraddoldebau iechyd yn y dyfodol

Ynglŷn â'r digwyddiad hwn

Rydym yn wynebu cyfnod heriol yng Nghymru, gyda’n gwasanaethau gofal iechyd, y sector cyhoeddus ehangach, a’r trydydd sector dan straen nas gwelwyd o’r blaen. Mae hyn yn ei gwneud hi’n bwysicach nag erioed, ond hefyd yn anoddach nag erioed, i gydbwyso rheoli argyfyngau heddiw ag atal argyfyngau’r dyfodol. Mae offer ac adnoddau ar gael a all ein helpu i wneud hyn. Os ydych chi eisiau dysgu amdanynt, ymunwch â ni ar y weminar hon.

Canlyniadau Dysgu:
Bod digon o dechnegau ar gyfer y dyfodol a all ein helpu i feddwl yn hirdymor a rhagweld, paratoi ar gyfer, a mynd i’r afael â heriau yn y dyfodol gyda’n penderfyniadau heddiw.

Cadair:
Marie Brousseau-Navarro – Dirprwy Gomisiynydd a Cyfarwyddwr Iechyd, Comisiynydd Cenedlaethau’r Dyfodol Cymru

Siaradwr:
Petranka Malcheva – Uwch Swyddog Polisi, Polisi ac Iechyd Rhyngwladol, Canolfan Gydweithredol Sefydliad Iechyd y Byd ar gyfer Iechyd a Llesiant, Iechyd Cyhoeddus Cymru
Sophia bird – Prif Arbenigwr Hyrwyddiad Iechyd, Iechyd Cyhoeddus Cymru
Tom Moses – Cydlynydd Prosiectau – Ieuenctid CWBR, Planed

Mae trawsgrifiad o’r fideo ar gael ar gais.