Adeiladu Sylfeini Cryf yn ystod Plentyndod Cynnar

Ynglŷn â'r digwyddiad hwn

Archwiliodd y weminar hon pam mae blynyddoedd cynharaf bywyd yn hanfodol ar gyfer iechyd, llesiant a chyfleoedd gydol oes. Gan ddefnyddio tystiolaeth a lleisiau o bob cwr o Gymru, tynnodd sylw at sut mae profiadau cynnar yn llunio datblygiad yr ymennydd, gwydnwch emosiynol, a dysgu—gan osod sylfeini cryf neu fregus. Archwiliodd y sesiwn sut mae tlodi yn tanseilio’r sylfeini hyn trwy straen cronig, mynediad cyfyngedig at faeth, llai o gyfleoedd i chwarae, a phwysau ar wasanaethau hanfodol y blynyddoedd cynnar.

Cyflwynwyd cyfranogwyr i fframwaith newydd Cymru, Y Dechrau Gorau mewn Bywyd: Fframwaith Gweithredu ar gyfer y Blynyddoedd Cynnar, a gynlluniwyd i gryfhau polisi, ymarfer a chydlynu systemau. Defnyddiodd y weminar straeon am sut y gall y fframwaith weithio’n ymarferol a gwella’r canlyniadau i’n babanod a’n plant, gan alluogi pob plentyn yng Nghymru i dyfu i fyny’n ddiogel, gyda chefnogaeth ac yn barod i ffynnu.

Canlyniadau Dysgu

• Deall ystyr y dechrau gorau mewn bywyd
• Cynyddu ymwybyddiaeth o pam mae dechrau cryf yn bwysig
• Codi ymwybyddiaeth o effeithiau tlodi ar ddatblygiad cynnar plant
• Codi ymwybyddiaeth o Fframwaith Gweithredu ar gyfer y Blynyddoedd Cynnar
• Codi ymwybyddiaeth o’r cydrannau o fewn y fframwaith a sut maen nhw’n gweithio’n ymarferol