Ein Cynllun Cydraddoldeb Strategol a’n Hamcanion 2024 i 2028

Croeso i’n Cynllun Cydraddoldeb Strategol a’n hamcanion ar gyfer y pedair blynedd nesaf. Diolch i bawb a roddodd o’u hamser i gyfrannu eu syniadau, eu meddyliau a’u sylwadau. Rydym yn croesawu’r cyfle i sicrhau dealltwriaeth well o lawer o sut yr hoffech chi weithio gyda ni yn y dyfodol ac, yn bwysicach, y cynnydd rydych chi’n disgwyl inni ei wneud.

Rydym yn cydnabod yr anghydraddoldebau sy’n wynebu rhai grwpiau a chymunedau yng Nghymru ac rydym yn benderfynol o wneud yr hyn a allwn i herio hyn. Byddwn yn parhau i weithio gydag eraill i adeiladu cymunedau mwy unedig a chynnwys pobl sy’n adlewyrchu amrywiaeth ein cymunedau.