Cael eich brechu rhag clefyd niwmococol
Gall haint niwmococol achosi niwmonia, septisemia (gwenwyn yn y gwaed) a llid yr ymennydd (meningitis). Gall arwain at niwed parhaol i’r ymennydd, neu ladd hyd yn oed. Mae’r germau’n gyffredin ac yn cael eu lledaenu drwy besychu a thisian.
Os oes gennych chi gyflwr iechyd tymor hir neu os ydych chi’n 65 oed neu’n hŷn, rydych chi’n wynebu mwy o risg o gael clefyd niwmococol. Mae’r daflen hon yn esbonio pam y dylech chi gael eich brechu.
Os oes gennych unrhyw gwestiynau, neu os hoffech mwy o wybodaeth, gallwch ymweld â wefan GIG 111 Cymru (safle allanol), siaradwch â’ch meddyg neu nyrs neu cysylltwch â GIG 111 Cymru drwy ffonio 111.
Os nad yw 111 ar gael yn eich ardal chi, ffoniwch 0845 46 47. Mae galwadau o linellau tir a ffonau symudol yn costio 2c y funud (a ffi arferol eich darparwr ffôn).