Llesiant Cyflogeion yn y Sector Cyhoeddus: 12 mis i mewn i’r pandemig a thu hwnt

Ynglŷn â'r digwyddiad hwn

Mae COVID-19 wedi newid y ffordd yr ydym yn gweithio ar draws y sector cyhoeddus.  Flwyddyn yn ddiweddarach, mae’r hyn a ddechreuodd fel argyfwng yn parhau i amharu ar ein bywydau a’n gwaith ar hyd a lled Cymru.  Wrth i frechu eang godi gobeithion am lwybr tuag at normalrwydd newydd, mae heriau sylweddol o’n blaenau ar unrhyw ffordd tuag at adferiad.

Gallwch glywed gan Dr Adrian Neal, Seicolegydd Clinigol Ymgynghorol a Phennaeth Llesiant Cyflogeion Bwrdd Iechyd Prifysgol Aneurin Bevan, am brofiadau yng Nghymru a sut gallwn gefnogi staff a’n gilydd yn y cyfnod hwn.