Neidio i'r cynnwys

Newid iaith y wefan

Uned Gyfeirio Anerobau’r DU (UKARU)

Gwybodaeth:

Labordy meddygol sydd wedi achredu gan Wasanaeth Achredu’r Deyrnas Unedig (UKAS) – Rhif: 9510 (Saesneg yn unig)

Mae UKARU yn darparu gwasanaeth adnabod a chyfeirio ymwrthedd gwrthficrobaidd ar gyfer bacteria anaerobig ar gyfer y DU. Mae’n cynnig profion ymwrthedd gwrthficrobaidd (AST) safon gyfeirio trwy wanhau agar a’r dull canfod moleciwlaidd o nodi mecanweithiau ymwrthedd. 

Mae UKARU yn gweithredu fel y labordy canolog i Gymru ar gyfer nodweddu meithriniadau a nodweddu llawn o Clostridioides difficile trwy Ddilyniannu Genom Cyfan (WGS). Mae hefyd yn darparu canllawiau clinigol ledled y DU ar gyfer pob haint anaerobig. 

Mae cyngor ar agweddau labordy a chlinigol ar facteria anaerobig a heintiau anaerobig ar gael yn ystod oriau swyddfa drwy gysylltu â ni drwy’r rhifau ffôn neu’r cyfeiriadau e-bost isod. 

Mae diddordebau ymchwil UKARU yn cynnwys gwerthusiadau masnachol o gynhyrchion AST a dulliau canfod C. difficile. Mae’r uned hefyd yn darparu cefnogaeth lefel gyfeirio ar gyfer cydweithrediadau â’r Pwyllgor Ewropeaidd ar gyfer Profi Rhagdueddiad Gwrthficrobaidd (EUCAST) a’r Sefydliad Safonau Labordai Clinigol (CLSI). 

Cysylltwch â ni

UKARU: gwasanaethau craidd (wedi’i achredu i ISO15189) 

Adnabod bacteria anaerobig

Gellir atgyfeirio arunigion pur/meithriniadau o facteria anaerobig ac Actinomyces spp. tybiedig i’w hadnabod trwy ddulliau moleciwlaidd a chonfensiynol. 

Mae’r rhain yn cynnwys profion biocemegol ffenoteipaidd, MALDI-TOF MS a dilyniannu DNA. 

Profi am ragdueddiad mewn bacteria anaerobig

Mae profion rhagdueddiad ar anaerobau sy’n berthnasol yn glinigol, gan gynnwys cadarnhau ffenoteipiau ag ymwrthedd anarferol yn cael ei wneud trwy wanhau agar (AD). Caiff panel o gyffuriau gwrthficrobaidd ei brofi’n rheolaidd. Mae’n cynnwys ceftriaxone, co-amoxiclav, clindamycin, meropenem, metronidazole, piperacillin-tazobactam, penisilin, vancomycin, doxycycline a rifampicin. Mae profion am wrthficrobau eraill ar gael ar gais. Bydd anaerobau nad ydynt yn addas ar gyfer gwanhau agar yn cael eu profi trwy ddefnyddio stribed graddiant (GS). 

Teipio Dilyniannu Genom Cyfan (WGS) Clostridioides difficile

Gellir cyflwyno ysgarthion gan gleifion yng Nghymru ar gyfer teipio WGS. Yn achos cleifion y tu allan i Gymru, cysylltwch â ni i gael cyngor ar sut y gallwn gefnogi eich cais cyn ei gyflwyno. 

Ffurflenni atgyfeirio ac amseroedd cwblhau

Canllawiau cyflwyno samplau

Ffurflenni atgyfeirio

UKARU: Ffurflen gais ar gyfer cyflwyno arunigion i’w hadnabod ac i gynnal prawf rhagdueddiad 

Gwnewch yn siŵr eich bod wedi darllen y nodiadau canllaw ac wedi llenwi’r ffurflen gais cyn cyflwyno arunigion. 

Amseroedd cwblhau

Anaerobau pur ar gyfer cadarnhau hunaniaeth a phanel AST safonol = 14 diwrnod gwaith. 

Gellir ymestyn amseroedd cwblhau ar gyfer arunigion sy’n tyfu’n araf, meithriniadau cymysg neu pan ofynnir am brofion ychwanegol/pan fo angen profion ychwanegol (e.e. profion MIC pellach). 

Noder: bydd samplau nad ydynt yn tyfu i ddechrau yn cael eu paratoi eto. 

Arunigion Clostridiwm difficile a samplau ysgarthion ar gyfer teipio WGS = 12 diwrnod gwaith. 

Gellir ymestyn amseroedd cwblhau ar gyfer meithriniadau cymysg, i gynnal profion ychwanegol, a gwaith nad yw’n ymwneud â brigiad o achosion (e.e. astudiaethau masnachol, gwyliadwriaeth wedi’i chynllunio). 

Darllenwch yr wybodaeth ganlynol cyn cyflwyno samplau. Noder: gellir gwrthod samplau a dderbynnir gyda ffurflenni cais anghyflawn neu rhai sydd y tu allan i geisiadau safonol, oni bai yr ymgynghorwyd â’r Prif Wyddonydd ymlaen llaw.

Cyflwyno arunigion i’w hadnabod a chynnal prawf rhagdueddiad

Dylid pecynnu arunigion a gyflwynir i UKARU drwy’r Post Brenhinol neu Hays DX yn unol â’r rheoliadau ynghylch deunyddiau heintus. Mae arunigion pur a anfonir ar swabiau cludo siarcol neu mewn hylif cig wedi’i goginio yn well gan eu bod yn cynnig yr hyfywedd a’r adferiad mwyaf posibl. 

Gellir defnyddio swabiau cludo neu hylif amgen ond gallai hynny arwain at anhyfywedd neu oedi cyn y gwelir twf. 

Os ydych chi am anfon samplau nad ydyn nhw wedi’u nodi uchod, peidiwch â gwneud hynny heb ganiatâd ymlaen llaw gan UKARU. 

Dylai pob arunigyn gael ei gyflwyno gyda’n ffurflen atgyfeirio. 

Yn achos atgyfeiriadau y bernir eu bod y tu allan i faes arbenigedd UKARU (e.e. actinomycetau aerobig, rhai organebau capnoffilig) rhoddir cyngor ar gyfer ail-atgyfeirio i’r cyfleuster cyfeirio priodol. 

Cyn atgyfeirio arunigyn atom ni, gwnewch yn siŵr eich bod wedi eithrio’r posibilrwydd y gallai fod yn organeb grŵp perygl 3, neu y gallai gynnwys organeb o’r fath. Dylid hefyd ddiystyru mycobacteria nad ydynt yn dwbercylaidd sy’n tyfu’n gyflym (NTM) a bacili asid/alcohol-asid cyflym eraill (AFB/AAFB) cyn atgyfeirio arunigion bacteriol. 

Meini prawf gwrthod

Mae gan UKARU feini prawf ar waith sy’n golygu bod samplau’n cael eu gwrthod yn dibynnu ar y senario fel a ganlyn: 

  1. Meithriniadau cymysg gyda >2 organeb heb unrhyw arwydd o’r organeb darged na hanes clinigol perthnasol – bydd y meithriniad yn cael ei storio. Ni fydd UKARU yn gwneud unrhyw waith pellach oni bai y cysylltir â’r uned. Cymerwch sampl arall ac ailgyflwynwch feithriniad pur a/neu cysylltwch â’r uned i gael rhagor o gyngor. 
  2. Meithriniadau cymysg gyda >2 organeb pan nad yw’r uned gyfeirio yn gallu canfod yr organeb darged. Os na nodwyd hanes clinigol perthnasol bydd y meithriniad yn cael ei storio. Ni fydd UKARU yn gwneud unrhyw waith pellach oni bai eich bod yn cysylltu â ni i drafod y mater. Cymerwch sampl arall ac ailgyflwynwch feithriniad pur a/neu cysylltwch â’r uned i gael rhagor o gyngor. 
  3. Meithriniadau cymysg gyda >2 organeb. Os na nodwyd unrhyw hanes clinigol perthnasol, dim ond yr organeb darged fydd yn cael ei hadnabod yn llawn. Bydd y sampl gymysg yn cael ei storio ac ni fydd UKARU yn gwneud unrhyw waith pellach oni bai eich bod yn cysylltu â ni i drafod y mater. 
Meini prawf pellach

Gwnewch yn siŵr bod yr holl ddynodwyr perthnasol gan gynnwys y cyfeiriad post llawn (nid DX yn unig) wedi’u cynnwys ar y ffurflen gais. 

Os ydych chi’n cyflwyno samplau o’r tu allan i’r DU, ystyriwch yr holl waith papur perthnasol a thynnwch sylw at natur amser-sensitif y cais. 

Trafodwch â’r Gwyddonydd Arweiniol os oes gennych gais sydd y tu allan i’r atgyfeiriadau safonol hyn. 

Gwefannau defnyddiol yn ymwneud ag anaerobau 

Grŵp Astudio ESCMID ar gyfer Heintiau Anaerobig – ESGAI:

Mae ESGAI (Saesneg yn unig) yn cynnwys gwyddonwyr a chlinigwyr o bob cwr o’r byd sy’n ymwneud â hyrwyddo ymchwil ac addysg ym maes diagnosis a therapi heintiau anaerobig. Mae’r Grŵp Astudio yn canolbwyntio ar ddarparu addysg a hyfforddiant i wyddonwyr llai profiadol ac yn annog cyfranogiad yn ECCMID, sef cynhadledd flaenllaw’r Gymdeithas Ewropeaidd ar gyfer Microbioleg Glinigol a Chlefydau Heintus. 

Grŵp Astudio ESCMID ar gyfer Heintiau Anaerobig – ESGAI (Saesneg yn unig)

Cymdeithas Anaerobau Cyfandiroedd America (ASA)

Mae Cymdeithas Anaerobau Cyfandiroedd America (Saesneg yn unig) yn sefydliad rhyngwladol, sy’n hyrwyddo astudio a defnyddio gwybodaeth am facterioleg anaerobig. Prif waith y gymdeithas yw trefnu’r Gyngres Anaerobau bob dwy flynedd sy’n rhoi cyfle i ymchwilwyr, clinigwyr a thechnegwyr labordy o bob cwr o’r byd gymryd rhan mewn cyflwyniadau, cyfnewidiadau a deialogau sy’n ymwneud ag anaerobau. Mae’r ffi aelodaeth yn cynnwys tanysgrifiad i’r cyfnodolyn Anaerobe (6 rhifyn y flwyddyn). Mae’r gymdeithas wedi’i lleoli yn yr Unol Daleithiau. 

Ymchwil a datblygu 

Mae UKARU yn cymryd rhan weithredol mewn gwaith ymchwil a datblygu gan gynnwys gwerthuso offer a phecynnau newydd. 

Mae gennym brofiad ac arbenigedd helaeth gyda Phrofion Ymwrthedd Gwrthficrobaidd (AST) ar facteria anaerobig. Mae gennym ddiddordeb arbennig mewn astudiaethau sy’n edrych ar brofion disg, stribedi graddiant, paneli microbroth a gwanhau agar. 

Fel y labordy cyfeirio ar gyfer C. difficile yng Nghymru, rydym mewn sefyllfa dda i gynnal gwerthusiadau o brofion diagnostig C. difficile neu AST ac mae gennym fynediad at fanc bio o samplau a dros 3000 o enomau. 

Cysylltwch â ni os oes gennych unrhyw gynhyrchion yr hoffech i ni ystyried eu gwerthuso. 

Cwestiynau Cyffredin

Sut ddylem ni anfon anaerob atoch chi i’w adnabod?

Yn gyntaf, byddwch angen cael meithriniad pur o’r organeb dan sylw ar gyfrwng agar gwaed annetholus sy’n cynhyrchu twf da e.e. FAA Agar (Fastidious Anaerobe Agar). Yna, gan ddefnyddio swab cludo yn ddelfrydol, cymerwch sampl o’r cytrefi a rhowch y swab yn y cyfrwng cludo ar unwaith. 

Rhowch y sampl mewn bag plastig wedi’i selio. 

Neu, chwistrellwch hylif cig wedi’i goginio a’i fagu nes bod twf da yn amlwg. 

Seliwch y caead gyda pharaffilm a’i roi mewn bag plastig wedi’i selio. 

Gwnewch yn siŵr bod pob meithriniad wedi’i labelu a’i becynnu ar wahân ac wedi’i amgylchynu gan ddeunydd amsugnol a’i anfon mewn cynhwysydd i’w warchod rhag cael ei falu yn unol â’r rheoliadau postio presennol ar gyfer deunyddiau heintus. 

Bydd meithriniadau sy’n gollwng yn cael eu gwrthod. 

Noder: mae hyfywedd rhai anaerobau yn cael ei leihau os cynhyrchir pigment neu asid cryf. 

Ystyriwch ddefnyddio meithriniadau ffres o’r arunigion hyn er mwyn caniatáu’r adferiad mwyaf posibl ar gyfer prosesu yn UKARU. 

Llenwch Ffurflen Gais Adnabod Sampl UKARU 

Rydym yn credu ein bod wedi arunigo anaerob sy’n gallu ymwrthod metronidazole

A ddylem ni ei anfon at UKARU i gadarnhau hyn? 

Dylech. Er bod rhai organebau sy’n tyfu’n anaerobig yn unig fel Propionibacterium/Cutibacterium spp ac Actinomyces spp yn gallu ymwrthod metronidazol yn gynhenid, gall eraill, fel y grŵp Bacteroides fragilis a rhai clostridia, ddatblygu ymwrthedd. Mae angen i ni fonitro esblygiad unrhyw ymwrthedd o fewn y grwpiau hyn yn agos. 

Ydych chi’n adnabod pob Actinomycetau spp?

Os yw’n anaerobig amryddawn (Actinomycetau, Bifidobacteria, Lactobasilws, Propionibacteria/Cutibacteria ) yna Ydym. Anfonwch ‘actinomycetau aerobig’ fel Nocardia spp at yr Uned Ymwrthedd Gwrthficrobaidd a Heintiau sy’n Gysylltiedig â Gofal Iechyd (Uned AMRHAI), yn Asiantaeth Diogelwch Iechyd y DU (UKHSA), Colindale. 

Allwch chi brofi unrhyw wrthficrobau?

Gallwn. Mae’r uned yn gallu profi’r rhan fwyaf o wrthficrobau. Mae angen ymgynghori â’r Gwyddonydd Arweiniol ynghylch ceisiadau am gyfryngau sy’n ychwanegol at y panel sy’n cael ei brofi’n rheolaidd (gweler Gwasanaethau Craidd). Nid yw rhai gwrthficrobau e.e. Gentamicin yn addas ar gyfer eu profi o dan amodau anaerobig. 

Mae’r organeb a anfonwyd gennym wedi’i adnabod fel organeb gwbl wahanol i’r hyn yr oeddem yn meddwl ein bod wedi’i anfon atoch, beth yw’r rheswm am hyn?

Gallai canlyniad gwahanol fod o ganlyniad i berfformiad gwell ein dulliau lefel gyfeirio neu’n syml oherwydd newid i ddull enwi’r organeb. Yn yr achos olaf, byddwn yn eich cyfeirio at y llenyddiaeth gyhoeddedig briodol. 

Cyhoeddiadau 

Cyhoeddiadau

Bavelaar H, Justesen US, Morris TE, Anderson B, Copsey-Mawer S, Stubhaug TT, Kahlmeter G, Matuschek E. Development of a EUCAST disk diffusion method for the susceptibility testing of rapidly growing anaerobic bacteria using Fastidious Anaerobe Agar (FAA): a development study using Bacteroides species. Clinical Microbiology and Infection. 2021 Ebrill 2:S1198-743X(21)00163-4. DOI: 10.1016/j.cmi.2021.03.028.  Ar gael ar-lein cyn ei argraffu. PMID: 33813129  

Perry MD, White PL, Morris TE. Impact of the introduction of nucleic acid amplification testing on Clostridioides difficile detection and ribotype distribution in Wales. Anaerobe. 2020 Rhag 9;67:102313. doi: 10.1016/j.anaerobe.2020.102313.  Yn cael ei gyhoeddi ar-lein cyn ei argraffu. PMID: 33309680.  

Tiltnes TS, Kehrer M, Hughes H, Morris TE, Justesen US. Ceftriaxone treatment of spondylodiscitis and other serious infections with Cutibacterium acnes. Journal of Antimicrobial Chemotherapy. 2020 Hyd 1;75(10):3046-3048. doi: 10.1093/jac/dkaa259.  PMID:32591800.  

Toprak NU, Veloo ACM, Urban E, Wybo I, Jean-Pierre H, Morris T, Justesen US, Tripkovic V, Jeverica S, Soyletir G, Nagy E; Grŵp Astudio ESCMID ar gyfer Heintiau Anaerobig (ESGAI)**. Comparing identification of clinically relevant Prevotella species by VITEK MS and MALDI biotyper. Acta Microbiol Immunol Hung. 2019 Rhag 9;67(1):6-13. doi:10.1556/030.66.2019.022.  PMID: 31813262. 

Eyre DW, Shaw R, Adams H, Cooper T, Crook DW, Griffin RM, Mannion P, Morgan M, Morris T, Perry M, Jones S, Peto TEA, Sutton J, Walker AS, Williams D, Craine N. WGS to determine the extent of Clostridioides difficile transmission in a high incidence setting in North Wales in 2015. Journal of Antimicrobial Chemotherapy. 2019 Ebrill 1;74(4):1092-1100. doi:10.1093/jac/dky523.  PMID: 30561656. 

Alexeyev OA, Dekio I, Layton AM, Li H, Hughes H, Morris T, Zouboulis CC, Patrick S. Why we continue to use the name Propionibacterium acnes. Br J Dermatol. 2018 Tachwedd; 179(5):1227. doi:10.1111/bjd.17085.  Wedi’i gyhoeddi ar-lein 19 Medi 2018. PMID: 30101491. 

Veloo ACM, Jean-Pierre H, Justesen US, Morris T, Urban E, Wybo I, Kostrzewa M, Friedrich AW, Ar ran Gweithgor Enria. An overview of the data obtained during the validation of ân optimized MALDI-TOF MS Biotyper database for the identification of anaerobic bacteria. Data Brief. 2018 Ebrill 23; 18:1484-1496. doi:10.1016/j.dib.2018.04.070.  PMID: 29904651; PMCID: PMC5998164. 

Ulger Toprak N, Alida C M V, Urban E, Wybo I, Justesen US, Jean-Pierre H, Morris T, Akgul O, Kulekci G, Soyletir G, Nagy E; Grŵp Astudio Heintiau Anaerobig (ESGAI) ESCMID. Performance of mass spectrometric identification of clinical Prevotella species using the VITEK MS system: A prospective multi-center study.  Anaerobe. 2018 Rhagfyr; 54:205-209. doi: 10.1016/j.anaerobe.2018.05.016.  Cyhoeddwyd ar-lein 30 Mai 2018. PMID: 29880448. 

Ulger Toprak N, Veloo ACM, Urban E, Wybo I, Justesen US, Jean-Pierre H, Morris T, Akgul O, Kulekci G, Soyletir G, Nagy E; Grŵp Astudio Heintiau Anaerobig (ESGAI) ESCMID. A multicenter survey of antimicrobial susceptibility of Prevotella species as determined by Etest methodology. Anaerobe. Awst 2018; 52:9-15;15(17):3780. doi:10.1016/j.anaerobe.2018.05.005.  Cyhoeddwyd ar-lein 17 Mai 2018. PMID: 29860038. 

Veloo ACM, Jean-Pierre H, Justesen US, Morris T, Urban E, Wybo I, Kostrzewa M, Friedrich AW; Gweithgor ENRIA. Validation of MALDI-TOF MS Biotyper database optimized for anaerobic bacteria: Prosiect ENRIA.  Anaerobe. Rhagfyr 2018; 54:224-230. doi: 10.1016/j.anaerobe.2018.03.007.  Cyhoeddwyd ar-lein 12 Mawrth 2018. PMID: 29545163. 

Krutova M, Kinross P, Barbut F, Hajdu A, Wilcox MH, Kuijper EJ; cyfranwyr arolwg. How to: Surveillance of Clostridium difficile infections.  Clinical Microbiology and Infection. Mai 2018; 24(5):469-475. doi: 10.1016/j.cmi.2017.12.008.  Cyhoeddwyd ar-lein 20 Rhagfyr 2017. PMID: 29274463. 

Knetsch CW, Kumar N, Forster SC, Connor TR, Browne HP, Harmanus C, Sanders IM, Harris SR, Turner L, Morris T, Perry M, Miyajima F, Roberts P, Pirmohamed M, Songer JG, Weese JS, Indra A, Corver J, Rupnik M, Wren BW, Riley TV, Kuijper EJ, Lawley TD. Zoonotic Transfer of Clostridium difficile Harboring Antimicrobial Resistance between Farm Animals and Humans. Journal of Clinical Microbiology. Chwefror 2018 22;56(3):e01384-17. doi: 10.1128/JCM.01384-17.  PMID: 29237792; PMCID: PMC5824051. 

Veloo ACM, Jean-Pierre H, Justesen US, Morris T, Urban E, Wybo I, Shah HN, Friedrich AW; ENRIA workgroup, Morris T, Shah HN, Jean-Pierre H, Justesen US, Nagy E, Urban E, Kostrzewa M, Veloo A, Friedrich AW. A multi-center ring trial for the identification of anaerobic bacteria using MALDI-TOF MS. Anaerobe. Rhagfyr 2017;48:94-97. doi: 10.1016/j.anaerobe.2017.07.004.  Cyhoeddwyd ar-lein 7 Awst 2017. PMID: 28797803. 

Veloo AC, de Vries ED, Jean-Pierre H, Justesen US, Morris T, Urban E, Wybo I, van Winkelhoff AJ; Gweithgor ENRIA. The optimization and validation of the Biotyper MALDI-TOF MS database for the identification of Gram-positive anaerobic cocci. Clinical Microbiology and Infection. Medi 2016; 22(9):793-798. doi: 10.1016/j.cmi.2016.06.016.  Cyhoeddwyd ar-lein 9 Gorffennaf 2016. PMID: 27404365. 

Bing AU, Loh SF, Morris T, Hughes H, Dixon JM, Helgason KO. Actinomyces Species Isolated from Breast Infections. Journal of Clinical Microbiology. Hydref 2015; 53(10):3247-55. doi: 10.1128/JCM.01030-15.  Cyhoeddwyd ar-lein 29 Gorffennaf 2015. PMID: 26224846; PMCID: PMC4572534. 

Mac Aogáin M, Kilkenny S, Walsh C, Lindsay S, Moloney G, Morris T, Jones S, Rogers TR. Identification of a novel mutation at the primary dimer interface of GyrA conferring fluoroquinolone resistance in Clostridium difficile. Journal of Global Antimicrobial Resistance Rhagfyr 2015; 3(4):295-299. doi:10.1016/j.jgar.2015.09.007.  Cyhoeddwyd ar-lein 3 Tachwedd 2015. PMID: 27842877. 

Fawley WN, Davies KA, Morris T, Parnell P, Howe R, Wilcox MH; Gweithgor Rhwydwaith Riboteipio Clostridiwm difficile (CDRN). Enhanced surveillance of Clostridium difficile infection occurring outside hospital, England, 2011 to 2013. Eurosurveillance 21 Gorffennaf 2016;21(29). doi: 10.2807/1560-7917.ES.2016.21.29.30295.  PMID: 27487436. 

van Dorp SM, Notermans DW, Alblas J, Gastmeier P, Mentula S, Nagy E, Spigaglia P, Ivanova K, Fitzpatrick F, Barbut F, Morris T, Wilcox MH, Kinross P, Suetens C, Kuijper EJ; Prosiect Rhwydwaith Gwyliadwriaeth Haint Clostridiwm difficile Ewropeaidd (ECDIS-Net) ar ran yr holl gyfranogwyr. Survey of diagnostic and typing capacity for Clostridium difficile infection in Europe, 2011 and 2014. Eurosurveillance 21 Gorffennaf 2016 21;21(29). doi:10.2807/1560-7917.ES.2016.21.29.30292.  PMID: 27469624. 

Tierney D, Copsey SD, Morris T, Perry JD. A new chromogenic medium for isolation of Bacteroides fragilis suitable for screening for strains with antimicrobial resistance. Anaerobe. Mehefin 2016; 39:168-72. doi:10.1016/j.anaerobe.2016.04.003.  Cyhoeddwyd ar-lein 6 Ebrill 2016. PMID: 27060277. 

Haddad N, Morris T, Dhillon R, Gibbon F. Unusual neurological presentation of Fusobacterium necrophorum disease. Adroddiad Achos BMJ. 12 Ionawr 2016; 2016: bcr2015210710. doi: 10.1136/bcr-2015-210710.  PMID: 26759436; PMCID: PMC4716438. 

Moore K, Hall V, Paull A, Morris T, Brown S, McCulloch D, Richardson MC, Harding KG. Surface bacteriology of venous leg ulcers and healing outcome. Journal of Clinical Pathology Medi 2010; 63(9):830-4. doi: 10.1136/jcp.2010.077032. Cyhoeddwyd ar-lein 29 Gorffennaf 2010. PMID: 20671048. 

Brazier JS, Gal M, Hall V, Morris TE. Outbreak of Clostridium histolyticum infections in injecting drug users in England and Scotland. Eurosurveillance Medi 2004; 9(9):15-6. PMID: 15381836. 

Brazier JS, Morris TE, Duerden BI. Heat and acid tolerance of Clostridium novyi Type A spores and their survival prior to preparation of heroin for injection. Anaerobe. Mehefin 2003; 9(3):141-4. doi: 10.1016/S1075-9964(03)00068-4. PMID: 16887701. 

Brazier JS, Hall V, Morris TE, Gal M, Duerden BI. Antibiotic susceptibilities of Gram-positive anaerobic cocci: results of a sentinel study in England and Wales. Journal of Antimicrobial Chemotherapy. Awst 2003; 52;2(224-8):3780. doi: 10.1093/jac/dkg316. Cyhoeddwyd ar-lein 1 Gorffennaf 2003. PMID: 12837734. 

Ffioedd am wasanaethau UKARU

Bydd Uned Gyfeirio Anaerobau’r DU (UKARU) yn dechrau codi tâl am rai o’i gwasanaethau o 1 Ebrill 2025. Mae’r ffioedd hyn sydd wedi’u nodi ar ein gwefan yn dilyn egwyddorion tebyg i’r rhai a ddefnyddir gan labordai cyfeirio UKHSA. 

Codir tâl am brofi arunigion sydd wedi’u cynnwys yn y dull trylediad disg a gyhoeddwyd yn ddiweddar gan EUCAST ‘Dull trylediad disg ar gyfer Profi Rhagdueddiad Gwrthficrobaidd mewn Bacteria Anaerobig sy’n cael eu Harunigo yn Gyffredin’ (eucast: Dull trylediad disg (Saesneg yn unig)), . Os oes gennych ddiddordeb mewn defnyddio’r dull hwn ac yr hoffech gael rhagor o arweiniad neu gymorth gan gynnwys prynu offer, cysylltwch â ni trwy anfon neges i’r cyfeiriad e-bost isod. 

Ni chodir tâl am brofion sydd â goblygiadau iechyd y cyhoedd a phrofion ar arunigion ar gyfer gwyliadwriaeth ymwrthedd gwrthficrobaidd. Cysylltwch â ni cyn cyflwyno straeniau os ydych chi’n credu bod eich arunigyn yn bodloni’r meini prawf hyn neu os hoffech drafod amgylchiadau unigol. 

Nid yw ein portffolio o brofion a gynigir wedi newid ac rydym yn parhau i groesawu cyflwyno anaerobau i’w hadnabod ac ar gyfer profi am ragdueddiad gwrthficrobaidd. 

O 1 Ebrill 2025, rydym hefyd yn gallu cynnig trosglwyddo canlyniadau’n electronig trwy ein porth rhannu ffeiliau diogel. Cysylltwch â ni drwy e-bost os hoffech chi newid o adroddiadau papur i drosglwyddiad electronig. 

Gwybodaeth bellach

Ni chanfuwyd unrhyw ddata ar gyfer y pwnc hwn

Adnoddau

Adroddiadau

Ni chanfuwyd unrhyw ddata ar gyfer y pwnc hwn

Data

Ni chanfuwyd unrhyw ddata ar gyfer y pwnc hwn