Canlyniad sgrinio eich babi – Mae asidaemia isofalerig (IVA) yn cael ei amau

Mae prawf smotyn gwaed (prawf pigo sawdl) yn awgrymu y gallai fod gan eich baban newydd-anedig asidemia isofalerig (IVA).

Bydd angen cynnal rhagor o brofion i gadarnhau a oes gan eich baban IVA.

Beth yw asidemia isofalerig (IVA)?

Mae IVA yn anhwylder metabolaidd etifeddol prin y gellir ei drin.

Nid oes gan fabanod ag IVA ddigon o’r ensym sydd ei angen arnynt i dorri i lawr rhan o’r protein a geir mewn bwyd. Heb yr ensym hwn, gall rhai sylweddau niweidiol gronni yn y corff. Os na chaiff ei drin, gall IVA arwain at salwch difrifol a phroblemau iechyd hirdymor.

O gael diagnosis a thriniaeth gynnar, gall babanod ag IVA dyfu a datblygu’n normal, a gall pobl ag IVA fwynhau bywydau iach a gweithgar.

Beth fydd yn digwydd nesaf?

Bydd tîm metabolig arbenigol yn trefnu rhagor o brofion i gadarnhau a oes IVA gan eich baban.

Efallai y bydd yn cymryd ychydig ddyddiau i chi dderbyn canlyniadau’r prawf.

Os bydd eich baban yn mynd yn sâl neu os ydych chi’n poeni nad yw’n bwydo’n iawn, ceisiwch gymorth meddygol.

Os bydd y profion yn cadarnhau bod gan eich baban IVA , byddwch yn derbyn rhagor o gefnogaeth a gofal gan y tîm arbenigol. Byddant yn egluro’r cyflwr yn fanylach, yn ateb eich cwestiynau ac yn dechrau triniaeth yn gyflym.

Sut y gallech chi fod yn teimlo:

Mae’n gwbl naturiol teimlo’n bryderus neu’n ansicr pan fydd angen profion pellach ar eich baban. Gallwch gael rhagor o wybodaeth a chefnogaeth gan y grwpiau canlynol:

Metabolic Support UK