ESI FAQs CY
- 05/01/22
- Pam mae Sgrinio Serfigol Cymru yn newid pryd y byddant yn fy ngwahodd i gael fy sgrinio?
-
-
-
Trafodwch y mater gyda'r sawl sy’n cymryd eich sampl a fydd yn asesu'r rhesymau dros y poen/anesmwythder. Mae’n bosibl mai atroffi ceg y groth sy’n gyfrifol am hyn. Yn dilyn y menopos, mae ceg y groth yn crebachu ac mae’n broses normal. Os mai dyna'r rheswm, ac nid yw'n bosibl cael prawf yn ystod yr ymweliad hwnnw, mae’n bosibl y bydd y sawl sy’n cymryd eich sampl yn argymell cwrs o eli estrogen i’w roi ar y croen i'w gymryd cyn eich apwyntiad nesaf ar gyfer sgrinio serfigol.
- 05/01/22
- Pryd bydd y newid yn digwydd?
-
-
-
Bydd y newid yn cael ei weithredu o 1 Ionawr 2022, a bydd yn berthnasol i'r holl ganlyniadau sgrinio rheolaidd a gyhoeddwyd gan Sgrinio Serfigol Cymru lle na chanfuwyd HPV. Bydd rhai samplau a gymerwyd ym mis Rhagfyr 2021 yn rhan o’r newid hwn.
- 05/01/22
- A yw'n ddiogel aros 5 mlynedd am fy mhrawf sgrinio serfigol (ceg y groth) nesaf?
-
-
-
Ydy. Mae tystiolaeth yn dangos os na cheir HPV risg uchel mewn sampl menyw, mae gan y fenyw risg isel iawn o ddatblygu canser serfigol o fewn 5 mlynedd, gan ei bod yn cymryd rhwng tua 10 a 15 mlynedd i’w ddatblygu ar ôl yr haint HPV.
- 05/01/22
- A yw'r newidiadau'n digwydd yng Nghymru yn unig?
-
-
-
Mae argymhelliad Pwyllgor Sgrinio Cenedlaethol y DU bod rhaglenni sgrinio serfigol yn gwahodd unigolion, rhwng 25 a 64 oed bob 5 mlynedd, unwaith y byddant wedi profi'n negyddol am HPV, yn berthnasol i raglenni sgrinio serfigol y DU sy’n gweithredu profion HPV. Cafodd y newid ei roi ar waith yn yr Alban ym mis Mawrth 2020 a chaiff ei fabwysiadu gan Loegr yn y dyfodol.
- 05/01/22
- Rydw i o dan ofal dilynol ac mae angen sgrinio mwy rheolaidd arnaf. A fydd y newid yn effeithio arnaf i?
-
-
-
Bydd y newid yn berthnasol o Ionawr 1 2022 i bobl sy'n cael canlyniadau arferol, lle na chanfuwyd HPV. Ni fydd y newid yn effeithio ar unigolion sydd eisoes yn derbyn gofal colposgopi neu sydd i fod i gael sgrinio serfigol dilynol nes iddynt gwblhau eu profion dilynol a’u bod yn dychwelyd i’r rhestr aros arferol ar ôl cael canlyniad negatif am HPV.
- 05/01/22
- A fydd y prawf sgrinio serfigol (ceg y groth) yn wahanol?
-
-
-
Na fydd. Mae'r prawf sgrinio serfigol yn aros yr un fath ac ni fydd y profiad sgrinio serfigol i fenywod yn newid.
- 05/01/22
- Beth os byddaf yn sylwi ar unrhyw newidiadau cyn i mi gael fy mhrawf sgrinio serfigol (ceg y groth) nesaf?
-
-
-
Ewch i weld eich meddyg teulu os oes gennych unrhyw un o’r symptomau canlynol:
- rhedlif anarferol o’r fagina
- gwaedu ar ôl rhyw, rhwng mislif neu ar ôl y menopos